పేద యువతి పెళ్ళికి చేయూత - భగవాన్ శ్రీ సత్యసాయి సేవా సమితి, జగిత్యాల.

(సిరిసిల్ల. రాజా విక్రాంత్ శర్మ - 9963349493/9348422113).

 జగిత్యాల నవంబర్ 11 ( ప్రజా మంటలు ) : 

చిన్నాపూర్ గ్రామానికి చెందిన "గోనె రాజయ్య" కూతురు "నవిత"అనే పేద యువతి వివాహం నిశ్చయం అయ్యింది. కాని వారు ఆర్థికంగా చాలా ఇబ్బందుల్లో ఉండి ఎటువంటి ఆధారం లేక పోవడం వలన వారి బంధువులు మన సత్యసాయి సంస్థ దృష్టికి తీసుకురావడం జరిగింది, అలాగే వీలైన సహాయం అర్థించడం జరిగింది. 

భగవాన్ శ్రీ సత్యసాయి బాబా వారి దివ్య అనుగ్రహ ఆశీస్సులతో శ్రీ సత్యసాయి సేవా సమితి, జగిత్యాల ఆధ్వర్యంలో సంస్థ ద్వారా తక్షణమే స్పందించి భక్తులు శ్రీ కటకం శ్రీనాథ్ - రజనీప్రియ గార్ల ఆర్థిక సహకారంతో అమ్మాయి వివాహం నకు కావలసిన ముఖ్య వస్తువులైన దాదాపు 14,000 రూపాయల విలువ గల బంగారు మంగళ సూత్రం , వెండి మెట్టెలు, పెళ్లి చీర , మంగళ హారతి సెట్, కన్యాదాన తాంబూలం మరియు చెంబు, స్టీల్ బిందె , ప్లేట్లు , గ్లాసులు తదితర వస్తు సామాగ్రిని, అలాగే 25 కె జి బియ్యం ను అందచేయడం జరిగింది. 

ఇట్టి కార్యక్రమంలో సత్యసాయి సంస్థ తరపున కన్వీనర్ బట్టు రాజేందర్, గుండ రాజశేఖర్ , సామ సునీల్ , తొడుపునూరి శ్రీనివాస్, వూటూరి భాస్కర్, కోటగిరి శ్రవణ్ , భోనగిరి రామనారాయణ , కటకం యశ్వంత్ మరియు మహిళా సభ్యులు శ్రీలత, వీణ, అర్చన , విజయ , పద్మ , వసంత , సరిత, రజిత , గంగ , రమ, ప్రణీత, హారిక తదితరులు పాల్గొన్నారు.