వైద్యపరంగా దివ్యాంగులకు అండగా గాంధీ ఆసుపత్రి

వైద్యపరంగా దివ్యాంగులకు అండగా గాంధీ ఆసుపత్రి

సికింద్రాబాద్​ డిసెంబర్​ 03 (ప్రజామంటలు) :

వైద్య పరంగా పలు రకాల అరుదైన సర్జరీలను చేసి, దివ్యాంగులకు కొత్త జీవితాన్ని ఇచ్చి వారికి అండగా నిలిచామని గాంధీ ఆసుపత్రి వైద్యులు అన్నారు. ప్రపంచ దివ్యాంగుల దినోత్సవం సందర్బంగా గాంధీ ఆసుపత్రి ఆర్ధోపెడిక్​ డిపార్ట్ మెంట్​ హెచ్​ఓడీ డా.బి.వాల్యా ఆధ్వర్యంలో మంగళవారం డాక్టర్లకు అవెర్​నెస్​ క్యాంపు నిర్వహించారు. గాంధీ మెడికల్​ కాలేజీ ప్రిన్సిపాల్​ డా.ఇందిరా, వైస్​ ప్రిన్సిపాల్​ డా.రవిశేఖర్​ రావు, గాంధీ సూపరింటెండెంట్​ డా.రాజకుమారి హాజరై, సదస్సును జ్యోతి ప్రజ్వలన చేసి ప్రారంభించారు. గాంధీ ఆసుపత్రిలో అందిస్తున్న సర్జరీల వివరాలు, దివ్యాంగులు ఎదుర్కొంటున్న శారీరక, అనారోగ్య సమస్యల గురించి డాక్టర్​ వాల్యా, ఇతర వైద్యులు పవర్​ పాయింట్ ప్రజెంటెషన్​ ద్వారా వివరించారు. దివ్యాంగులపై కేవలం సానుభూతి చూపడమే కాకుండా, వారికి చేయూత అందించి, అన్ని రంగాల్లో వారిని ప్రొత్సహిస్తూ, అండగా నిలబడాలని కోరారు. ఆర్దోపెడిక్​ ప్రొఫెసర్​ బి.శ్రీనివాస్​, ఉస్మానియా ఆసుపత్రి ఆర్దోపెడిక్​ హెచ్​ఓడీ డా.పీఎల్​ శ్రీనివాస్​, డా.బన్సీలాల్​, ఇన్​కమ్​ ట్యాక్స్​ అసిస్టెంట్ కమిషనర్​ ప్రకాశ్ రాథోడ్​ లు పాల్గొన్నారు.