మండల విద్యాధికారిణిని సన్మానించిన "ట్రస్మా" నాయకులు

మండల విద్యాభివృద్ధికి కలిసి రావాలి - మండల విద్యాధికారిణి సునీతరాణి

By Kasireddy Adireddy

On 20 Dec 2024 17:46:54

ముందస్తు క్రిస్టమస్ శుభాకాంక్షలు తెలిపిన నాయకులు

భీమదేవరపల్లి డిసెంబర్ 20 (ప్రజామంటలు) :

ఇటీవల భీమదేవరపల్లి మండల విద్యాధికారిణిగా బాధ్యతలు చేపట్టిన సునీతారాణిని మండల "ట్రస్మా" నాయకులు మర్యాదపూర్వకంగా కలిసి, సన్మానించారు. అనంతరం పుష్పగుచ్చం ఇచ్చి ముందస్తు క్రిస్టమస్ శుభాకాంక్షలు తెలియజేశారు. ఈ సందర్భంగా సునీత రాణి మాట్లాడుతూ, ప్రభుత్వ నియమాలను పాటిస్తూ, పాఠశాలలను నడిపించాలని అన్నారు. ప్రభుత్వ, ప్రైవేటు పాఠశాలలు విద్యాభివృద్ధికి కృషి చేస్తూ, మండలాన్ని ప్రథమ స్థానములో నిలపాలని సూచించారు. అనంతరం కాశిరెడ్డి ఆదిరెడ్డి మాట్లాడుతూ, నూతనంగా మండల విద్యాధికారిణిగా బాధ్యతలు స్వీకరించిన సునీత రాణిని మర్యాదపూర్వకంగా కలిసి, ప్రభుత్వ నిబంధనలు ప్రకారం తమ పాఠశాలలో నడిపిస్తూ, విద్యారంగానికి తమ వంతు సేవను అందిస్తూ ముందంజలో ఉంటామని అన్నారు. ఈ కార్యక్రమంలో "ట్రస్మా" మండల బాధ్యులు కొండబత్తిని రాజేశం, బేరే యాదగిరి, దస్తరి ఉమామహేశ్వర్, చెప్యాల గోపాల్ రెడ్డి, కొండబత్తిని మల్లేశం తదితరులు పాల్గొన్నారు.