తాగునీటి సరఫరాలో ఇబ్బందులు లేకుండా చూడాలి. - జగిత్యాల మున్సిపల్ చైర్ పర్సన్ అడువాల జ్యోతి లక్ష్మణ్.

(సిరిసిల్ల. రాజా విక్రాంత్ శర్మ - 9963349493/9348422113). 

జగిత్యాల డిసెంబర్ 21 (ప్రజా మంటలు) : 

తాగునీటి సరఫరాలో ఇబ్బందులులేకుండా చూడాలని జగిత్యాల మున్సిపల్ చైర్ పర్సన్ ఆడువాల జ్యోతి లక్ష్మణ్ అన్నారు.

జిల్లా కేంద్రంలోని ఫీల్డర్ బెడ్ ను మున్సిపల్ చైర్ పర్సన్, మున్సిపల్ కమిషనర్ చిరంజీవి తో కలిసి పరిశీలించారు.

తీన్ ఖని పరిసర ప్రాంతాల్లో త్రాగునీటి సరఫరా సరిగా రావడం లేదని ప్రజలు మున్సిపల్ చైర్ పర్సన్ దృష్టికి తీసుకురగా వెంటనే స్పందించిన ఛైర్పర్సన్ అధికారులతో పరిశీలించారు.

ప్రతీ రోజు తాగునీటి సరఫరాను పర్యవేక్షిస్తూ ప్రజలకు ఎక్కడ, ఎలాంటి ఇబ్బందులు రాకుండా చూడాలని ఆదేశించారు. ఎక్కడైనా పైప్ లైన్లు ఇబ్బందులు ఉంటే మరమత్తులు చేపట్టి త్వరగా పూర్తిచేయాలని అధికారులకు సూచించారు. ప్రజలకు త్రాగునీటి సరఫరా అందించాలని పేర్కొన్నారు.

ప్రతీ నల్లా కనెక్షన్‌కు సమృద్ధిగా తాగునీరు సరఫరా చేయాలని, నీటి సరఫరా విషయంలో ఏవైనా సమస్యలు ఉంటే నేరుగా తన దృష్టికి తీసుకురావాలన్నారు. తెలంగాణ ప్రభుత్వం ప్రతీ ఇంటికి తాగునీరు అందించేందుకు ప్రత్యేక చర్యలు తీసుకుందన్నారు.

ఈ కార్యక్రమంలో మున్సిపల్ కమిషనర్ బి చిరంజీవి మరియు స్థానిక నాయకులు బాలే శంకర్ కౌన్సిలర్ నక్క జీవన్ మరియు ఏఈ శరణ్ మున్సిపల్ సిబ్బంది అధికారులు పాల్గొన్నారు.