తెల్లవారుజామున ధరూర్ కెనాల్ వద్ద రోడ్డు ప్రమాదం,ఇద్దరు మృతి

తెల్లవారుజామున ధరూర్ కెనాల్ వద్ద రోడ్డు ప్రమాదం - ఇద్దరు మృతి

జగిత్యాల నవంబర్ 10:

జనగాం జిల్లాలో,వివాహ రిసెప్షన్ కి వెళ్లి తిరిగి వస్తుండగా థరూర్ శివార్ లో తెల్లవారుజామున జరిగిన రోడ్డు ప్రమాదంలో జగిత్యాలకు చెందిన ఇద్దరు మృతి చెందారు 

 మరో 5 నిమిషాల్లో తమ ఇంటికి చేరేలోపే, ఏమి జరిగిందో తెలుసేలోపు జరిగిన ప్రమాదం కారులో ముందు కూర్చున్న ఇద్దరు మృతి చెందారు.

జగిత్యాల - కరీంనగర్ ప్రధాన రహదారిపై ధరూర్ గ్రామ కెనాల్ వద్ద ఈ రోజు తెల్లవారు జామున 4-30 గంటలకు ఘోర రోడ్డు ప్రమాదం జరిగింది. జగిత్యాల డిపోకు చెందిన సూపర్ లగ్జరీ బస్సును అతి వేగంతో ఎదురుగా వస్తున్న కారు ఢీకొట్టడం తో, కారులో ఉన్న ఇద్దరు అక్కడికక్కడే మృతి చెందారు,

కారులో మొత్తం నలుగురు ప్రయాణిస్తుండగా కారు డ్రైవ్ చేస్తున్న జగిత్యాల హనుమాన్ వాడకి చెందిన సంకీర్త్ అనే యువకుడు, అతని పక్కనే ఉన్న మరో యువతి  అక్కడికక్కడే మృతి చెందారు. కారులో వెనుకనున్న  రాయమల్లు, ఆయన భార్యకు గాయాలు కాగా ఆసుపత్రికి తరలించి చికిత్స అందిస్తున్నారు.

కేసు నమోదు చేసుకుని దర్యాప్తు చేస్తున్నట్లు రూరల్ సీఐ కృష్ణారెడ్డి, ఎస్సై సుధాకర్ లు తెలిపారు.