గోపాల్ పూర్ పి హెచ్ సి ని సందర్శించిన డి ఎం హెచ్ ఓ

ఎల్కతుర్తి డిసెంబర్ 20 (ప్రజామంటలు) :                                                                               హనుమకొండ జిల్లా వైద్య మరియు ఆరోగ్యశాఖ అధికారి డాక్టర్ ఏ. అప్పయ్య శుక్రవారం ప్రాథమిక ఆరోగ్య కేంద్రం గోపాల్ పూర్ ని సందర్శించారు. ఈ సందర్భంగా ఇప్పటికే ప్రాథమిక ఆరోగ్య కేంద్రం గోపాల్ పూర్ 2 సార్లు NQAS కు ఎంపిక జరిగిందని తెలుసుకొని మెడికల్ ఆఫీసర్ కు డి‌ఎం‌హెచ్‌ఓ ప్రత్యేక శుభాకాంక్షలు తెలియజేశారు. అలాగే మెడికల్ ఆఫీసర్ మాట్లాడుతూ, ఆసుపత్రి పరిసరాలను పరిశుభ్రoగా ఉంచాలని, పంచాయత్ సెక్రటరీ సహకారంతో ఆవరణలో ఉన్న గడ్డి మరియు అవసరం లేని మొక్కలను తొలగించాలని సూచించారు. అనంతరం ల్యాబ్, ఫార్మసీ, వార్డు రూమ్స్, థియేటర్ ను పరిశీలించారు. అక్కడికి వచ్చిన పేషెంట్స్ తో మాట్లాడి సేవలు ఎలా అందుతున్నాయో తెలుసుకొని కొందరికి వైద్య పరీక్షలు నిర్వహించారు. జిల్లా వైద్య ఆరోగ్యశాఖ అధికారి మాట్లాడుతూ, హైపర్ టెన్షన్ 1800 మంది, డయాబెటిస్ 575 మంది మొత్తం దాదాపుగా 2500 మంది వ్యాధిగ్రస్తులకు వైద్య చికిత్సలు ఉచితంగా అందిస్తున్నామని ఇంకా కూడా ప్రభుత్వం అందించే వైద్య సౌకర్యాలను అందుకోవాలని డి‌ఎం‌హెచ్‌ఓ గారు సూచించారు.ఈ కార్యక్రమంలో మెడికల్ ఆఫీసర్ డాక్టర్ విజయేందర్ రెడ్డి, అయూష్ మెడికల్ ఆఫీసర్ఈశ్వర్, ప్రసాద్, ప్రాథమిక ఆరోగ్య కేంద్రం సిబ్బంది పాల్గొన్నారు.