గాయత్రి బ్యాంక్ అభివృద్ధి పథంలో ముందుకు సాగుతూ వినియోగదారుల ఆర్థిక అభివృద్ధికి చేయూతనిస్తుంది. - కుమార్ దీపక్ మంచిర్యాల కలెక్టర్.

 (సిరిసిల్ల. రాజా విక్రాంత్ శర్మ - 9963349493/9348422113).

మంచిర్యాల నవంబర్ 25 (ప్రజా మంటలు) : 

గాయత్రి బ్యాంకు అభివృద్ధి పథంలో ముందుకు సాగుతూ, వినియోగదారుల ఆర్థిక ప్రగతికి చేయుతనిస్తుంది కుమార్ దీపక్ మంచిర్యాల్ కలెక్టర్ జిల్లా మెజిస్ట్రేట్ అన్నారు.

మంచిర్యాల్ జిల్లా యందలి నస్పూర్ యందు ది గాయత్రి కో-ఆపరేటివ్ అర్బన్ బ్యాంకు యొక్క 50వ శాఖను మంచిర్యాల్ జిల్లా కలెక్టర్ శ్రీ కుమార్ దీపక్ చేతుల మీదుగా ప్రారంభించారు.

జరిగిన ఈ ప్రారంభోత్సవ కార్యక్రమానికి బి.సంజీవ రెడ్డి జిల్లా సహకార అధికారి మరియు కె.తిరుపతి, జిల్లా లీడ్ మేనేజర్ పాల్గొని బ్యాంకు యొక్క వివిధ విభాగాలను ప్రారంభించారు.

అనంతరం జరిగిన సమావేశంలో ముఖ్య అతిథి కుమార్ దీపక్ ఐఏఎస్ మాట్లాడుతూ.... 2000 సంవత్సరంలో ప్రారంభించబడిన గాయత్రి బ్యాంకు తనదైన శైలిలో కృషిచేస్తూ, నేడు మల్టీస్టేట్ బ్యాంకుగా రూపాయలు 2939.45 కోట్ల వ్యాపారాన్ని సాధించి 50 బ్రాంచీలతో తెలంగాణలోని కో-ఆపరేటివ్ బ్యాంకులలో అతి పెద్ద బ్యాంకుగా అవతరించి కో-ఆపరేటివ్ వ్యవస్థలో అగ్రగామిగ పనిచేస్తూందని అన్నారు.

అలాగే బ్రాంచీల విస్తరణ ద్వారా బ్యాంకులు ప్రజల ఆర్థిక పరిపుష్టికి కారణమవుతాయని, ప్రజలు బ్యాంకులో ఖాతా తెరచి లావాదేవీలను నిర్వహించుకోవడం ద్వారా ఆర్ధిక క్రమశిక్షణతో పాటుగా కుటుంబ ఆర్ధిక స్థితిగతులు మెరుగవుతాయని అన్నారు. నస్పూర్ ప్రాంత ప్రజలు కూడా బ్యాంకు యొక్క సేవలను వినియోగించుకోవాలని అన్నారు.

అనంతరం బి.సంజీవరెడ్డి జిల్లా సహకార అధికారి మాట్లాడుతూ.... నస్పూర్ యందు గాయత్రి బ్యాంకు శాఖను ప్రారంభించుకోవడం చాలా ఆనందంగా ఉందని, సహకార వ్యవస్థలో కార్పోరేట్ బ్యాంకులకు ధీటుగా పనిచేస్తూ, 24 సంవత్సరాల కాలంలోనే తెలంగాణ, ఆంధ్రప్రదేశ్ వ్యాప్తంగా 50 బ్రాంచీలతో, 7లక్షల 39 వేల మంది వినియోగదారులను కలిగి బ్యాంకు అన్ని విధాలుగా మంచి అభివృద్ధిని సాధించిందని అన్నారు.

గాయత్రి బ్యాంక్ మంచిర్యాల యందు గత 11సంవత్సరాలుగా పనిచేస్తూ వినియోగదారుల మన్ననలు పొందుతుందని ఇట్టి నస్పూర్ శాఖ కూడా మంచి అభివృద్ధిని సాధిస్తుందని అన్నారు.

అనంతరం కె.తిరుపతి జిల్లా లీడ్ బ్యాంక్ అధికారి మాట్లాడుతూ...బ్యాంకు యందు మొబైల్ బ్యాంకింగ్, ఎఇపిఎస్, యు.పి.ఐ, ఎ.టి.ఎమ్ సర్వీసులు, ఆర్.టి.జి.ఎస్ వంటి టెక్నాలాజికల్ సేవలతో పాటుగా, నిరక్షరాస్యులకు సహాయకంగా ఉండేందుకు ప్రత్యేక హెల్ప్ డెస్క్ను ఏర్పాటుచేయడం, ఉదయం 10 గంటల నుండి రాత్రి 7 గంటల వరకు పనిచేయడం, ఖాతాదారులకు అవసరమైన ఫోటో మరియు జిరాక్స్లను బ్యాంకు యందే ఉచితంగా అందించడం పట్ల సంతోషం వ్యక్తం చేశారు.

బ్యాంకు ముఖ్యకార్యనిర్వహణాధికారి వనమాల శ్రీనివాస్ మాట్లాడుతూ...  బ్యాంకు ముఖ్య ఉద్దేశ్యం సామాన్య మధ్యతరగతి, వర్తక వాణిజ్య వర్గాల ప్రజలకు కార్పోరేట్ బ్యాంకులకు ధీటుగా సేవలందించడమేనని ఆన్లైన్ సేవలతో పాటుగా అధునాతన డిజిటల్ సేవలను అందిస్తున్నామని, గాయత్రి నిర్భయ సేవింగ్ ఖాతా ద్వారా 1 లక్ష రూపాయల ప్రమాదభీమా సౌకర్యాన్ని అందిస్తున్నామని, వర్తక, వ్యాపార, ఉద్యోగులకు కావలసిన అన్ని రకాల బ్యాంకింగ్ సేవలను సత్వరంగా అందించడానికి సిద్ధంగా ఉన్నామని తెలియజేశారు.

ఇట్టి సేవలను, నస్పూర్ కాలనీ వాసులు వినియోగించుకొని బ్యాంకును ఆదరించాలని కోరారు.

అలాగే ఈ ఆర్ధిక సంవత్సరాంతానికి మరో 16 బ్రాంచీలను ప్రారంభించడానికి ఏర్పాట్లు చేస్తున్నామని తద్వారా 66 బ్రాంచీలకు చేరుకుంటామని అన్నారు.

బ్యాంక్ జనరల్ మేనేజర్ శ్రీలత మాట్లాడుతూ.... మా వంతు సామాజిక బాధ్యతగా బ్యాంకు యందు సేవింగ్ ఖాతాపై 1లక్ష రూపాయల ప్రమాద భీమా సౌకర్యాన్ని అందించడం జరుగుతుందని ఇట్టి స్కీమ్ ద్వారా ఇప్పటి వరకు ప్రమాదవశాత్తు మరణించిన 566 మంది ఖాతాదారుల కుటుంబాలకు 1 లక్ష రూపాయల చొప్పున అందించి వారి కుటుంబాలకు ఆసరాగా నిలవడం జరిగిందని అన్నారు.

ఈ సమావేశంలో ప్రమాదవశాత్తు మరణించిన గాయత్రి నిర్భయ సేవింగ్ ఖాతాదారులైన పోట్ట గట్టయ్య యొక్క కుటుంబ సభ్యులకు 1 లక్ష రూపాయల చెక్కును మంచిర్యాల జిల్లా కలెక్టర్ కుమార్ దీపక్ ఐఏఎస్ చేతులమీదుగా అందజేశారు.

అనంతరం రీజనల్ మేనేజర్ బింగి తిరుపతి మాట్లాడుతూ.... వినియోగదారులు మాపై చూపిస్తున్న ఏనలేని ఆదరాభిమానాల వల్ల బ్యాంకును మరింత అభివృద్ధిపథంలోకి తీసుకెళ్తామని, నగరవాసులు బ్యాంకు యొక్క సేవలను వినియోగించుకొని బ్యాంకును ఆదరించాలని విజ్ఞప్తి చేశారు.

ఆధార్ నంబరు ద్వారా నగదు బదిలీ పథకం క్రింద వచ్చు సబ్సిడీ బదలాయింపులను, ప్రభుత్వ పెన్షన్లను పొందవచ్చని, బంగారు ఆభరణాలపై ఋణాలను అందజేస్తామని, వ్యాపారులకు ఆస్థి తనఖాపై ఋణ సౌకర్యం కల్పిస్తామని, వినియోగదారులు బ్యాంకును ఆదరించి ప్రోత్సహించాలని కోరారు.

ఋణాలపై ఎటువంటి ప్రాసెసింగ్ చార్జీలు లేవని, డిపాజిట్లపై ఆకర్షణీయ వడ్డీ రేట్లను అందిస్తున్నామని తెలియజేసారు.

బ్యాంకు ఆవరణలో జరిగిన ఈ కార్యక్రమంలో పలువురు పుర: ప్రముఖులు, వ్యాపారులు, సహకార అధికారులు, బ్యాంకు పాలక వర్గ సభ్యులైన ముత్యాల లక్ష్మణ్ రెడ్డి, ఎమ్. సౌజన్య, ఎ.రాజిరెడ్డి, ఎ. సత్యం, వై. అశోక్, కె. శ్రీనాథ్, బి.విజయ్, జి.గంగాధర్, వి.మాధవి, ఆర్. సతీష్, ఎస్. రవి కుమార్, మరియు ఇతర సభ్యులు, బ్యాంకు సిబ్బంది పాల్గొన్నారు.