రోళ్ళవాగు ప్రాజెక్టు పై అవినీతి జరిగితే పూర్తి విచారణ జరిపించాలి - మాజీ మంత్రి కొప్పుల ఈశ్వర్

రోళ్ళవాగు ప్రాజెక్టు పై అవినీతి జరిగితే పూర్తి విచారణ జరిపించాలి - మాజీ మంత్రి కొప్పుల ఈశ్వర్

జగిత్యాల జనవరి 03:

రోళ్ళవాగు ప్రాజెక్టు పై అవినీతి జరిగితే పూర్తి విచారణ జరిపించండి - కాంగ్రెస్ నాయకులకు చిత్తశుద్ధి ఉంటే గోదావరి లో నీళ్ళు విడుదల చేయించండని మాజీ మంత్రి కొప్పుల ఈశ్వర్ ప్రభుత్వానికి సవాలు విసిరారు.

జగిత్యాల జిల్లా బిఆర్ఎస్ పార్టీ కార్యాలయంలో మాజీ మంత్రి కొప్పుల ఈశ్వర్ గారు ప్రెస్ మీట్ ను నిర్వహించారు..ఈ సందర్భంగా మాజీ మంత్రి మాట్లాడుతూ, ఉమ్మడి సారంగాపూర్ మండలంలోని రోళ్ళవాగు ప్రాజెక్టు ఆధునీకరించడానికి 2016 లో ఆనాటి ముఖ్యమంత్రి కెసిఆర్ గారు ఇరిగేషన్ మినిస్టర్ హరీష్ రావు ఆధ్వర్యంలో ఈ ప్రాజెక్టు పునరుద్ధరణ చేపట్టాలని నిర్ణయించడం జరిగింది..!

పావు TMC నుండి 1 TMC వరకు దీని సామర్థ్యాన్ని పెంచడం జరిగిందని, ఇలా పెంచడం ద్వారా దాదాపు 17 వేల ఎకరాల కొత్త ఆయకట్టుకు సాగునీటిని అందించడం జరిగిందని కొప్పుల ఈశ్వర్ గుర్తు చేసారు.!

జగిత్యాల నియోజకవర్గంలోని కొమ్ము నూరు,, మంగెల, బోర్నపల్లి, ధర్మపురి నియోజకవర్గంలో ఆరెపెల్లి నుండి వెల్గటూర్ మండలం ముత్తునూరు వరకు మా ప్రభుత్వంలోనే 14 లిఫ్టులు ఏర్పాటు చేయడం జరిగిందని, ఈ లిఫ్టుల ద్వారా దాదాపు లక్ష ఎకరాలకు సాగునీరు అందించామన్నారు..!

తెలంగాణ రాష్ట్రం ఏర్పాటు కు ముందు కాంగ్రెస్ పార్టీ దాదాపు 40 సంవత్సరాలు అధికారంలో ఉన్న ఈ ప్రాంత రైతులకు సాగునీరు అందించాలని ఏనాడూ ఆలోచ లేదు..!

2016 లో ప్రాజెక్టు వ్యయం 60 కోట్ల నుండి 136 (RE) కోట్లకు పెరిగింది...! అలాగే ఫౌండేషన్ డెప్త్ కూడ పెరిగింది..!GST - 5% నుండి 18% పెరిగింది, ల్యాండ్ అక్యువేషన్ ధర కూడా పెరిగింది..!ప్రాజెక్టు నిర్మాణ క్రమములో భారీ వర్షాలతో నిర్మాణ పనులకు జాప్యం జరిగిందని అన్నారు..!

ఈ ప్రాంతం నుండి పలు మార్లు ఎమ్మెల్యే గా, మంత్రులుగా ప్రాతినిధ్యం వహించారు..!కాంగ్రెస్ పార్టీ అధికారంలోకి వచ్చిన సంవత్సరం పూర్తి అయిన తరువాత రోళ్ళవాగు గుర్తు కు వచ్చిందా, ఒక్క సమీక్ష ఎందుకు నిర్వహించలేదని ప్రశ్నించారు.!

ఈ రోళ్ళవాగు ప్రాజెక్టు ఆధునీకరించడం ద్వారా ఈప్రాంతం సస్యశ్యామలం అవుతుందని, ఏనాడూ ఆలోచించలేదు..!తెలంగాణ రాష్ట్రం వచ్చాక తర్వాతనే గోదావరి ఒడ్డు పొడవునా అనేక లిఫ్టు, ఇరిగేషన్ ప్రాజెక్టులు ఏర్పాటు చేయడం జరిగింది..!

రోళ్ళవాగు ప్రాజెక్టు ఆధునీకరణ ద్వారా సారంగాపూర్, బీర్ పూర్, మరియు ధర్మపురి లో దాదాపు 17 వేల ఎకరాలకు కొత్త ఆయకట్టుకు సాగునీరు అందుతాయి..!

గోదావరి నది మీద జగిత్యాల మరియు ధర్మపురి నియోజకవర్గాల్లో దాదాపు 20 వేల నుండి లిఫ్టులు ఉన్నాయి..!ఒక్కొక్క లిఫ్ట్ 2 వేల నుండి 3 వేల వరకు గోదావరి లిఫ్ట్ ద్వారా రైతుల పొలాలకు నీరు అందిస్తున్నాయి..!

గోదావరి నది ఒడ్డున ఉన్న రైతులు వేల సంఖ్యలో పంపు మోటర్లు పెట్టుకుని అనేక సంవత్సరాలుగా సాగు చేస్తున్నారు..!

రోళ్ళవాగు ప్రాజెక్టు పై అవినీతి జరిగిందని పెద్ద పెద్ద మాటలు మాట్లాడుతున్న నాయకులు పూర్తి విచారణ జరిపించాలని డిమాండ్ చేశారు..!

కాంగ్రెస్ పార్టీకి, నాయకులకు నిజంగా చిత్తశుద్ధి ఉంటే వెంటనే గోదావరిలో నీళ్ళను విడుదల చేయాలని మాజీ మంత్రి కొప్పుల ఈశ్వర్ డిమాండ్ చేశారు.

ఈ కార్యక్రమంలో మాజీ జెడ్పీ చైర్ పర్సన్ దావ వసంత సురేష్, డిసిఎంఎస్ చైర్మన్ ఎల్లాల శ్రీకాంత్ రెడ్డి, మాజీ సింగిల్ విండో చైర్మన్ సాగి సత్యం రావు, పిఎసిఎస్ చైర్మన్ వెంకట మాధవరావు, వెంకటేశ్వరరావు పాల్గొన్నారు.