కురుమ కార్పొరేషన్ ఏర్పాటు చేయాలి : కురుమ సంఘం అడహాక్ కమిటీ జిల్లా అధ్యక్షులు కడారి అయిలయ్య కురుమ 

కురుమ కార్పొరేషన్ ఏర్పాటు చేయాలి - కురుమ సంఘం అడహాక్ కమిటీ జిల్లా అధ్యక్షులు కడారి అయిలయ్య కురుమ 

కరీంనగర్ జనవరి 06: 

కురుమ కార్పొరేషన్ ఏర్పాటు చేయాలని కౌరుతూ, కరీంనగర్ కలెక్టరేట్ అడిటోరియంలో గల  ప్రజావాణి కార్యక్రమంలో కరీంనగర్ జిల్లా కురుమ సంఘం అడహాక్ కమిటీ జిల్లా అధ్యక్షులు కడారి అయిలయ్య కురుమ  ఆధ్వర్యంలో జిల్లా కలెక్టర్ కు వినతి పత్రం ఇచ్చారు.

ప్రస్తుత ప్రభుత్వం కులాల వారీగా కార్పొరేషన్లు ఏర్పాటు చేయడం చాలా సంతోషకరమైన విషయం, కానీ కురుమ కులం వేరు బీసీ బి సీరియల్ నెంబర్ 11 , యాదవ కులం వేరు బి సి డి సీరియల్ నెంబర్ 33. ప్రస్తుతం కులాల వారిగా ఏర్పాటు చేసిన కార్పొరేషన్లలో కురుమ గొల్ల (యాదవ) కలిపి యాదవ కార్పొరేషన్ అని మాత్రమే ఏర్పాటు చేయడం జరిగింది. కానీ కురుమ కులం వేరు, యాదవ కులం వేరు ఈ రెండు కులాల మధ్యలో వివాహ/ పెళ్లి ఎలాంటి సంబంధాలు గాని, ఇతర సంబంధాలు బంధుత్వాలు కానీ లేవు. కురుమల కుల వృత్తి గొర్రెల పెంపకంతో పాటు దక్కన్ జాతి తెలంగాణ గొర్రెల ఉన్నిని కట్ చేయడం, ఆ ఉన్నితో దారం తయారు చేసి గొంగాల్లు నేయడం, గొంగాల అమ్మకం చేసుకొంటారు.

అలాగే గతంలో రాష్ట్రవ్యాప్తంగా ఉన్ని పారిశ్రామిక సహకార సంఘాలు ఊల్ బోర్డ్ కురుమలకు మాత్రమే ఉండేది. ఈ వృత్తి యాదవులు చేయరు.  కానీ ప్రస్తుతం యాదవ కులం, కురుమ కులం ఒకటే అనే రీతిలో ఒకటే అనే పద్ధతిలో ఒకటే అనుకోని యాదవ కార్పొరేషన్ అని పెట్టి కురుమలను కూడా అందులోనే చూపించడం జరిగింది. ప్రస్తుత ప్రభుత్వం ఇట్టి విషయాన్ని గుర్తించి కురుమలకు వేరే కార్పొరేషన్ మరియు యాదవులకు వేరే కార్పొరేషన్ ఏర్పాటు చేయవలసిందిగా ప్రభుత్వాన్ని విజ్ఞప్తి చేయుచున్నాము. 

కార్యక్రమంలో జిల్లా కురుమ సంఘం  ఆడహాట్ కమిటీ అధ్యక్షుడు కడారి అయిలయ్య కురుమ, జిల్లా కురుమ సంఘం అడహాక్ కమిటీ ప్రధాన కార్యదర్శి కర్రే రాజు కురుమ, రాష్ట్ర ఉపాధ్యక్షులు బీర్ల బీరయ్య కురుమ, పంచాయతీ కమిటీ జిల్లా అధ్యక్షులు కోరే గట్టయ్య కురుమ, నగర కురుమ సంఘం అధ్యక్షులు కర్రె శ్రీనివాస్ కురుమ, విద్యా కమిటీ జిల్లా ఉపాధ్యక్షులు సేవెళ్లే కొమురయ్య కురుమ, కురుమ ఉద్యోగుల సంఘం జిల్లా ఉపాక్షులు ఈరల్ల విజయ్ కుమార్ కురుమ,  జిల్లా మాజీ ప్రధాన కార్యదర్శి పంబ్బాల్ల వీరయ్య కురుమ,  సాయిళ్ళ రాజ మల్లయ్య కురుమ తదితర నాయకులు పాల్గొన్నారు.