పదేండ్ల బీఆర్​ఎస్​ చేయలేని పనులు కాంగ్రెస్​ చేస్తోంది   -  ఏఐసీసీ మెంబర్​ కోట నీలిమా   ​..

పదేండ్ల బీఆర్​ఎస్​ చేయలేని పనులు కాంగ్రెస్​ చేస్తోంది
  *  ఏఐసీసీ మెంబర్​ కోట నీలిమా
  *  బన్సీలాల్​ పేట లో ఘనంగా ప్రజా పాలన సెలబ్రేషన్స్​..

సికింద్రాబాద్​ డిసెంబర్​ 08 (ప్రజామంటలు) :

గత పదేండ్ల పాటు అధికారంలో ఉన్న బీఆర్​ఎస్​ చేయలేని పనులను ఇప్పుడు కాంగ్రెస్​ ప్రభుత్వం చేస్తుందని, ఏడాది కాంగ్రెస్​ పాలన పట్ల ప్రజలు సంతృప్తిగా ఉన్నారని ఏఐసీసీ మెంబర్​ , టీపీసీసీ సెక్రటరీ డాక్టర్​ కోట నీలిమా అన్నారు. ఆదివారం సాయంత్రం బన్సీలాల్​ పేట లో ప్రజాపాలన విజయోత్సవాలను ఘనంగా నిర్వహించారు. ఈసందర్బంగా ఆమె మాట్లాడుతూ..ప్రజల్లో కాంగ్రెస్​ పట్ల పెరుగుతున్న ఆదరణ ను చూసి తట్టుకోలేని ప్రతిపక్షాలు అనవసర విషయాలను తెరపైకి తెచ్చి, రాద్దాంతం చేస్తున్నాయన్నారు. ప్రతిపక్షాల అసత్యపు ఆరోపణలను ప్రజలు నమ్మరని అన్నారు. జబ్బర్​ కాంప్లెక్స్​ నుంచి సీసీ నగర్​ వరకు కాంగ్రెస్​ కార్యకర్తలు భారీ ర్యాలీ నిర్వహించారు. సీసీ నగర్​ కమ్యూనిటీ హాల్ వద్ద ఏర్పాటు చేసిన కార్యక్రమంలో టీపీసీసీ జనరల్​ సెక్రటరీ ఉజ్మా షకీర్​ జీ, కోట నీలిమా లు కేకును కట్ చేశారు. ఈసందర్బంగా బాణసంచా కాల్చిన కార్యకర్తలు సంబరాలను నిర్వహించారు. కార్యక్రమంలో డివిజన్​ కాంగ్రెస్​ ప్రెసిడెంట్ ఐత చిరంజీవి, సీనియర్​ నాయకులు శ్రవణ్​, అషీష్​, నసీమా బేగం, రమేశ్​ బాబు, అబ్దుల్​ కలీమ్​, పాండుగౌడ్​, కృష్ణ, నారాయణ, నస్రీన్​ బేగం, సీపీ శంకర్​, పార్శీ మహేశ్​, జగదీశ్​, శ్యామ్​ పాల్గొన్నారు.