జగిత్యాలలో నేరాల తీరుపై వార్షిక నివేదికను వెల్లడించిన జగిత్యాల ఎస్పీ అశోక్‌కుమార్‌..

By ch v prabhakar rao

On 26 Dec 2024 20:43:07

జగిత్యాలలో నేరాల తీరుపై వార్షిక నివేదికను వెల్లడించిన
జగిత్యాల ఎస్పీ అశోక్‌కుమార్‌..
గతేడాదికంటే పెరిగిన కేసుల సంఖ్య - అదుపులో శాంతి భద్రతలు

జగిత్యాల డిసెంబర్ 26:
జగిత్యాల జిల్లాలో గతంకంటే కేసుల సంఖ్య పెరిగినప్పటికీ శాంతిభద్రత విషయంలో భాగానే ఉందని జగిత్యాల జిల్లా ఎస్పీ అశోక్‌కుమార్‌ అన్నారు.. జిల్లాలో 2023లో 4 వేల 999 కేసులు నమోదైతే.. ఈ ఏడాది 5 వేల 9వందల 19 కేసులు నమోదయ్యాయని అన్నారు... అత్యధికంగా జగిత్యాల టౌన్‌ పోలీస్‌ స్టేషన్‌లో 791 కేసులు నమోదవుతే.. అతి తక్కువగా బీర్‌పూర్‌ స్టేషన్‌లో 120 కేసులు నమోదైనట్లు వెల్లడించారు.. హత్య కేసులు 28, హత్యాచారా కేసులు గతం కంటే తగ్గాయని ఈ ఏడాది 40 కేసులు నమోదైనట్లు పేర్కొన్నారు.. రోడ్డు ప్రమాదాలు గతేడాదికంటే తగ్గాయని ఈ ఏడాది 451 కేసులు నమోదైనట్లు తెలిపారు.. అయితే రోడ్డు ప్రమాదాల్లో మృతి చెందిన వారు గతేడాదికంటే 29 మంది ఎక్కువగా మృతి చెందారని అన్నారు.. ప్రజల రక్షణ కోసం పోలీసులు పని చేస్తున్నారని అన్నారు.