అదనపు తరగతి గదుల నిర్మాణానికి భూమిపూజ * స్వర్ణలత జ్ఞాపకార్థంగా నిర్మాణం

అదనపు తరగతి గదుల నిర్మాణానికి భూమిపూజ
* స్వర్ణలత జ్ఞాపకార్థంగా నిర్మాణం

సికింద్రాబాద్​ డిసెంబర్​ 12 (ప్రజామంటలు):

సికింద్రాబాద్ నల్లగుట్ట ప్రభుత్వ గర్ల్స్ హైస్కూల్ లో అదనపు తరగతి గదుల నిర్మాణానికి కంటోన్మెంట్ చెందిన కే.నందకుమార్ ముందుకు వచ్చారు. ఈ మేరకు తన సతీమణి (పూర్వ విద్యార్థి) స్వర్ణలత జ్ఞాపకార్థం రూ.20 లక్షలతో రెండు తరగతి గదుల నిర్మాణానికి గురువారం పాఠశాల ఆవరణలో వేదపండితుల మంత్రోశ్చరణాల మద్య  భూమిపూజ నిర్వహించారు. కే. స్వర్ణలత 1970 సంవత్సరంలో ఇదే పాఠశాలలో పదవతరగతి చదివారని, ఆ తర్వాత డిగ్రీ, పీజీ చేశారని పాఠశాల టీచర్లు గుర్తు చేశారు. టీచర్​ గా పనిచేసిన స్వర్ణలత ఎందరికో విద్యాబుద్దులు నేర్పి, వారిని ప్రయోజకులుగా తీర్చిదిద్దారని స్మరించుకున్నారు. ఇలాంటి విద్యా వేత్తలు,పరోపకారులు చరిత్రలో శాశ్వతంగా నిలిచిపోతారన్నారు. స్వర్ణలత పేరున ఆమె చదువుకున్న పాఠశాలలో అదనపు తరగతి గదులను నిర్మించడానికి ముందుకు వచ్చిన ఆమె భర్త కే.నందకుమార్​ సేవా భావం ఆదర్శనీయమని అభినందించారు.  హెడ్మాస్టర్ స్వరూప, ఇంచార్జీ  కృష్ణమూర్తి, టీచర్లు ఉదయ్ కుమారి జ్యోతి పద్మప్రియ ప్రమోద్ దామోదర్ లక్ష్మి కుమారి గీతాంజలి అరుణకుమారి, సైదులు, మంజుశ్రీ, విజయ భాస్కర్​, దీప, సతీష్​, చంద్రిక, నవ్య, సిబ్బంది, బ్రహ్మాశ్రీ జ్యోతిష్య వాస్తు శాస్ర్త పండితులు హేమంత్​ శర్మ  పాల్గొన్నారు.