బాల్యవివాహ్ ముఖ్త్ భారత్ హైదరాబాద్ జిల్లా సాధనకు ముందడుగు

బాల్యవివాహ్ ముఖ్త్ భారత్ హైదరాబాద్ జిల్లా సాధనకు ముందడుగు
 * అశ్రిత సంస్థ ఆధ్వర్యంలో అవెర్​నెస్​ క్యాంపులు

సికింద్రాబాద్​, నవంబర్​ 28 ( ప్రజామంటలు ):

ఆశ్రిత సంస్థ,  మహిళా శిశు సంక్షేమ శాఖ హైదరాబాదు ఆధ్వర్యంలో బాల్య వివాహ్ ముక్త్ భారత్ కార్యక్రమాన్ని  వెస్ట్ మారెడ్​ పల్లిలోని ఉమెన్ ఎంపవర్మెంట్ ట్రైనింగ్ సెంటర్ లో నిర్వహించారు. కార్యక్రమానికి ముఖ్య అతిథిగా సికింద్రాబాద్ ఆర్డీఓ సాయిరాం హాజరై విద్యార్థులనుద్దేశించి మాట్లాడారు. బాల్య వివాహాల చట్టాలను వివరిస్తూ, విద్యార్థులు చదువు పట్ల శ్రద్ద వహించాలని, సామాజిక మాధ్యమాలకు దూరంగా ఉండాలన్నారు. పేరేంట్స్​ను గౌరవిస్తూ, వారి మాటలను వినాలని సూచించారు. తెలంగాణ విద్యా కమిషన్​, కమిటీ సలహా సభ్యులు వెంకటరెడ్డి, జిల్లా బాలల సంక్షేమ మండలి మెంబర్​ నబీ, అశ్రిత సంస్థ డైరెక్టర్​ నాగరాజు లు మాట్లాడుతూ..బాల్య వివాహాలను బాలలకు దూరంగా ఉంచాలని, దేశవ్యాప్తంగా జరుగుతున్న బాల్య వివాహ్​ ముక్త్​ భారత్​ సాక్షిగా బాల్య వివాహాలను వ్యతిరేకించాలని పిలుపునిచ్చారు. ఇందుకు ప్రభుత్వంలోని ప్రతి డిపార్ట్​ మెంట్ అధికారులు, సిబ్బంది సపోర్టు కావాలని కోరారు. యూనిసెఫ్​ నుంచి డేవిడ్​ , బాల్య వివాహాల నిరోధక చట్టం , జెజె యాక్ట్ గురించి చెప్పారు. ఎవరైనా బాల్య వివాహాలను చేస్తే వెంటనే 1098 లేదా 100,  112 నెంబర్లకు కాల్​ చేయాలని కోరారు. 2030 నాటికి బాల్య వివాహ ముక్త్​ భారత దేశాన్ని నిర్మించాలని కోరుతూ ప్రతిజ్ఞ చేశారు. కార్యక్రమంలో డిస్ర్టిక్ట్​ చైల్డ్​ ప్రొటెక్షన్​ అధికారి శ్రీనివాస్​, సీడీపీవోలు, సూపర్​ వైజర్స్​, అంగన్​ వాడీ కార్యకర్తలు పాల్గొన్నారు. అనంతరం జిల్లాలోని 50 వార్డులల్లో ప్రజాప్రతినిధులు, కమ్యూనిటీ, కాలేజీల్లో వీదుల్లో 4800 మందితో క్యాండిల్​ వెలిగిస్తూ, ప్రతిజ్ఞ చేశారు. బాల్య వివాహ్​ ముక్త భారత్​ కార్యక్రమాన్ని హైదరాబాద్​ లో 50 వార్డుల్లో అవెర్​నెస్​ కార్యక్రమాలను కంటిన్యూగా చేస్తామని, బాల్య వివాహాల నిరోదక చట్టం–2006 ను విజయవంతంగా అమలు చేయడంలో అశ్రిత సంస్థ ముందుంటుందని డైరెక్టర్​ నాగరాజు మీడియాతో మాట్లాడుతూ చెప్పారు.
––––––––