బాలిక వైద్య ఖర్చులకు 1.26 లక్షల ఆర్థిక సాయం ఫేస్ బుక్ మిత్రుల ఔదార్యం

బాలిక వైద్య ఖర్చులకు 1.26 లక్షల ఆర్థిక సాయం
ఫేస్ బుక్ మిత్రుల ఔదార్యం

(రామ కిష్టయ్య సంగన భట్ల)

ధర్మపురి నవంబర్ 30:
గత కొన్ని నెలల నుండి  బ్లడ్ క్యాన్సర్ వ్యాధితో బాధపడుతున్న ఓ చిన్నారికి  వైద్య ఖర్చుల కోసం ఫెస్ బుక్ మిత్రులు   1.26 లక్షలు విరాళాలు అందించి తమ ఔధార్యాన్ని చాటారు.

 మంచిర్యాల జిల్లా కేంద్రానికి చెందిన గడేవార్ గజానన్ ఓ ప్రైవేట్ సంస్థలో చిరు ఉద్యోగం చేస్తూ, అద్దె ఇంట్లో నివాసం ఉంటూ భార్య, కూతురుని పోషిస్తున్నాడు.

తమ 9 సంవత్సరాల ఏకైక కూతురు జాగృతి కొన్ని నెలల నుండి బ్లడ్ క్యాన్సర్ వ్యాధితో బాధపడుతున్నది . వైద్య ఖర్చుల కోసం గజానన్  తనకు ఉన్న చిన్న స్థలాన్ని సైతం విక్రయించాడు. అయినప్పటికీ వైద్యం కోస తీవ్ర  ఇబ్బందులు పడుతుండగా  విషయం తెలుసుకున్న ధర్మపురి కి చెందిన సామాజిక సేవకుడు రేణికుంట రమేష్ స్పందించి నవంబర్ 3 న  ఫేస్ బుక్ లో  పోస్ట్ చేశాడు. 

దాతలు స్పందించి బాలిక తండ్రి గజానన్  బ్యాంకు ఖాతాకు రూ. 1.26 లక్షలు విరాళాలు అందించారు. వాటిని రమేష్  మంచిర్యాల ఎస్ బి ఐ బ్యాంక్  మేనేజర్ శ్రీకాంత్ చేతుల మీదుగా బాలిక తండ్రికి పంపిణీ చేయించాడు.