మహిళల ఓట్లువేయించుకొని, వారినే మరిచారు..

మహిళల ఓట్లువేయించుకొని, వారినే మరిచారు..
* కాంగ్రెస్​ సర్కార్​ కు ఇక కౌంట్​ డౌన్​ షురూ అయింది...
 *  బౌద్దనగర్​ కార్పొరేటర్​ కంది శైలజ

సికింద్రాబాద్​ నవంబర్​ 05 (ప్రజామంటలు):

ఎన్నికల్లో మహిళలను నమ్మించి, ఓట్టు వేయించుకున్న కాంగ్రెస్​ పార్టీ నేతలు తీరా అధికారంలోకి వచ్చాకా మహిళల సంక్షేమాన్ని పూర్తిగా మరిచిపోయారని సికింద్రాబాద్​ నియోజకవర్గం బౌద్ధనగర్​ కార్పొరేటర్​ కంది శైలజ అన్నారు. ఆమె మంగళవారం మీడియాతో మాట్లాడుతూ..రాష్ర్టంలోని పేద, మద్య తరగతి మహిళలకు ప్రతినెలా రూ 2500 లను మహాలక్ష్మీ పథకం పేరుతో ఇస్తామన్న ముఖ్యమంత్రి రేవంత్​ రెడ్డి హామీ నీటి మీద రాతగా మిగిలిందని విమర్శించారు. అధికారంలోకి వచ్చి నెలలు గడుస్తున్నా, ఇంకా మహిళలకు ఇచ్చిన హామీని అమలు చేయకపోవడం దారుణమన్నారు. మహిళలను వంచించిన కాంగ్రెస్​ ప్రభుత్వం ఇంకా ఎన్నో రోజులు అధికారంలో ఉండబోదన్నారు. మహిళలను మోసపుచ్చిన రేవంత్ రెడ్డి సర్కార్​ కు ఇక కౌంట్ డౌన్​ మొదలైనట్లేనని అన్నారు. హైడ్రా పేరుతో సిటీలో రియల్​ ఎస్టేట్​ రంగాన్ని పూర్తిగా నాశనం చేశారని, దాంతో  రియల్​ రంగంపై ఆధారపడిన లక్షలాది మంది వేతన జీవులు రోడ్డున పడాల్సి వచ్చిందన్నారు. ఒక విజన్​ అంటూ లేని అసమర్థత ప్రభుత్వానికి ఇక చరమగీతం పాడాలన్నారు. త్వరలోనే పేదల ఆశాజ్యోతీ కేసీఆర్​ నేతృత్వంలో బీఆర్​ఎస్​ అధికారంలోకి వస్తుందన్నారు. సమావేశంలో బీఆర్ఎస్​ నాయకులు శ్రీకాంత్​, రాజేశ్​, బాబా, నారాయణ తదితరులు పాల్గొన్నారు. 
––––––––––––––
–ఫొటో: