బుగ్గారంలో ప్రారంభమైన  "మహా శివరాత్రి జాతర" 

ఈరోజు రుద్రాభిషేకం, రుద్రహోమం పరిసమాప్తి

బుగ్గారం/ జగిత్యాల 24:

జగిత్యాల జిల్లా బుగ్గారం లోని శ్రీ సాంబ శివ నాగేశ్వర ఆలయంలో శివరాత్రి జాతర అంగరంగ వైభవంగా ఈరోజు ప్రారంభం అయ్యింది. ఈనెల 24 సోమవారం నుండి 27 గురు వారం వరకు మహా శివరాత్రి జాతర ఉత్సవాలు ఘనంగా నిర్వహించబడునని ఆలయ కమిటి చైర్మన్ మసర్తి రాజిరెడ్డి తెలిపారు.

ఈరోజు రుద్రాభిషేకం,రుద్రహోమం నిర్వహించారు. ఈనెల 25 మంగళ వారం మహిళలచే కుంకుమ పూజ, గీతా హవన యజ్ఞం, అన్నదానం కార్యక్రమాలు ఉంటాయని పేర్కొన్నారు. ఈనెల 26 బుధ వారం మహా శివరాత్రి జాతర, సాయంత్రం శివ పార్వతుల కళ్యాణం, రాత్రికి బిల్వార్చన కార్య క్రమాలు ఉంటాయన్నారు. ఈనెల 27 గురు వారం మధ్యాహ్నం 12-05 గంటలకు శ్రీ  సాంబ శివుని రథోత్సవం, అన్నదానం కార్యక్రమాలు ఘనంగా నిర్వహించ బడునని ఆయన సూచించారు.

భక్తులు అధిక సంఖ్యలో పాల్గొని విజయ వంతం చేయాలని ఆయన కోరారు. ఈ కార్యక్రమంలో ఆలయ కమిటి సభ్యులు, శివదీక్షా స్వాములు కటుకూరి అంజయ్య, పెద్దన వేణి రాగన్న, పోలం పల్లి మల్లేశం, బొద్దుల లక్ష్మణ్,ఆల్ ఇండియా మీడియా అసోసియేషన్ ఉమ్మడి కరీంనగర్ జిల్లా అధ్యక్షులు చుక్క గంగారెడ్డి, ప్రచురణ కర్త, శ్రీ గ్లోబల్ హై స్కూల్ కరస్పాండెంట్ డా.నక్క రాజు, గడ్డం రమేష్, రాఘవేంద్ర, కిరణ్ తదితరులు పాల్గొన్నారు.