సారంగాపూర్ లో అంబేద్కర్ విగ్రహానికి పాలాభిషేకం

గొల్లపల్లి/సారంగాపూర్ మార్చ్ 08 (ప్రజా మంటలు):

సారంగాపూర్ మండలం నగునూర్ గ్రామంలో గత రెండు రోజుల క్రితం డాక్టర్ బి.ఆర్ అంబేద్కర్  విగ్రహానికి గుర్తు తెలియని దుండగులు చెప్పుల దండ వేసి అవమానించగా విషయం తెలుసుకున్న ప్రభుత్వ విప్ ఎమ్మెల్యే అడ్లూరి లక్ష్మణ్ కుమార్, ఎమ్మేల్యే సంజయ్ కుమార్ మరియు దళిత సంఘాలు నేతలతో కలిసి నగునూరు గ్రామానికి వెళ్లి డాక్టర్ బి.ఆర్ అంబేద్కర్ విగ్రహానికి పాలాభిషేకం నిర్వహించి పూలమాల వేసి ఘనంగా నివాళులర్పించారు.
అనంతరం వారు మాట్లాడుతూ డాక్టర్ బి.ఆర్ అంబేద్కర్  విగ్రహానికి గుర్తు తెలియని దుండగులు చెప్పుల దండ వేసి అవమానించడం చాల బాధాకరమని,ఈ సంఘటన వెనుక ఎంత పెద్ద వారు ఉన్న ఉపేక్షించేది లేదని వారి పైన చట్టపరమైన చర్యలు తీసుకుంటామని అన్నారు.

దళిత సంఘా నాయకులు ఎవరు అధైర్య పడాల్సిన అవసరం లేదని,ప్రపంచ మేధావి డాక్టర్ బి.ఆర్ అంబేద్కర్  ఇతర దేశ ప్రజలు వారి వైపు చూస్తుంటే మన దేశ ప్రజలు మాత్రం ఇలాంటి సంఘటనలకు పాల్పడుతున్నారన,ఈరోజు ప్రతి ఒక్కరూ రిజర్వేషన్ ఫలాలు అనుభవిస్తున్నారు అంటే ప్రతి నాయకుడికి ఆయన కల్పించిన రిజర్వేషన్ వల్లనే మేము ఇప్పుడు ఈ స్థాయిలో కొనసాగుతున్నమంటే దానికి అంబేద్కర్  ఇచ్చిన రిజర్వేషన్ వల్లనే అని ఈ సందర్భంగా తెలిపారు
ఈ కార్యక్రమంలో మండల కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు