వేరే అమ్మాయితో  సహజీవనం - చితకబాదిన భార్య తరపు బంధువులు

రెడ్​ హ్యాండెడ్​ గా భార్యకు దొరికిన జీహెచ్​ఎమ్​సీ ఉన్నతాధికారి

సికింద్రాబాద్​ ఫిబ్రవరి 21 (ప్రజామంటలు) :

జీహెచ్ఎంసి హెడ్​ ఆఫీస్​  అడ్మిన్ లో జాయింట్ కమిషనర్ గా పనిచేస్తున్న జానకిరామ్  వేరే మహిళతో ఉండగా  భార్య ఎస్​. కళ్యాణి శుక్రవారం ఉదయం రెడ్​ హ్యాండెడ్​ గా పట్టుకుంది. స్థానికులు, వారాసిగూడ ఇన్​స్పెక్టర్​ సైదులు తెలిపిన వివరాల ప్రకారం..గతంలో మెదక్​ మున్సిపల్​ కమిషనర్​ గా పనిచేసిన ఎస్​.వి జానకి రామ్​ ఇటీవల అక్కడి నుంచి బదిలీ అయి  జీహెచ్​ఎమ్​సీ అడ్మిన్​ విభాగంలో జాయింట్ కమిషనర్​ గా పనిచేస్తున్నారు.

వారాసిగూడ చర్చిగల్లీలో నివాసం ఉంటున్నారు. అయితే గత కొన్ని నెలలుగా భర్త జానకిరామ్​ ఇంటికి రాకుండా వేరే అమ్మాయితో కలసి ఉంటున్నాడనే పక్కా సమాచారంతో తమ బంధువులతో కలసి భార్య కళ్యాణి శుక్రవారం ఉదయం మధురానగర్​ కాలనీ లోని ఓ అపార్ట్ మెంట్ లోకి వెళ్ళి, తన భర్తను, ఓ అమ్మాయిని పట్టుకున్నారు. జానకిరామ్​ తనకంటే 20 ఏండ్ల చిన్న వయస్సున్న అమ్మాయితో అక్రమ సంబంధం పెట్టుకున్నాడని ఆరోపిస్తూ, అతడితో బంధువులు, భార్య కళ్యాణి వాగ్వివాదానికి దిగారు.

వీరి మద్య పెనుగులాట జరగడంతో కోపొద్రిక్తులైన కళ్యాణి బంధువులు జానకిరామ్​ తో పాటు ఇంట్లో ఉన్న యువతిని బాగా చితకబాదారు. పక్కనే ఉన్న వారు డయల్​ 100 కు కాల్​ చేయడంతో వారాసిగూడ పోలీసులు ఘటన స్థలానికి చేరుకుని, జానకిరామ్​, దివ్య అనే అమ్మాయిని ట్రీట్మెంట్​ కోసం గాంధీ ఆసుపత్రికి తరలించారు. కళ్యాణి, బంధువులు వారాసిగూడ పోలీస్​ స్టేషన్​ కు వెళ్ళి, కంప్లయింట్ ఇచ్చారు.

తన భర్త జానకిరామ్​ ఎక్కడ పనిచేసిన అక్కడ ఆఫీసులో ఉన్న అమ్మాయిలతో శారీరక సంబంధాలు పెట్టుకుంటాడని భార్య కళ్యాణి ఆరోపించింది. 2018 లో జానకిరామ్​ తో తనకు తిరుపతిలో పెండ్లి అయిందన్నారు. అయితే జానకిరామ్​ కు అప్పటికే పెండ్లి అయినట్లు తమకు చెప్పకుండా మోసం చేశారని అన్నారు.

తాను కవల పిల్లల కలిగిన గర్బం దాల్చినప్పుడు తన కడుపులో తన్నిన భర్త జానకిరామ్​ అబార్షన్​ కు కారణమయ్యాడని పేర్కొన్నారు. బహిరంగ ప్రదేశాల్లో తనను అవమాన పరిచేవాడని, భర్త, అతడి ప్రియురాలు దివ్య, అత్త, తో పాటు జానకిరామ్​ కుటుంబసభ్యులపై కళ్యాణి వారాసిగూడ లో కంప్లయింట్ ఇవ్వగా, వారిపై కేసు నమోదు చేసినట్లు ఇన్​స్పెక్టర్​ సైదులు, అడ్మిన్​ ఎస్​ఐ సుధాకర్​ తెలిపారు.