ఘనంగా అంబారిపేట వెంకటేశ్వర స్వామి బ్రహ్మోత్సవాలు, గిరి ప్రదక్షణ, సాంస్కృతిక కార్యక్రమాలు, వసంతోత్సవం

జగిత్యాల అర్బన్ ఫిబ్రవరి 12(ప్రజా మంటలు) జగిత్యాల మండలం అంబారిపేట గ్రామంలో ప్రాచీన చరిత్ర కలిగి,కొండపైన స్వయంభూగా వెలసిన శ్రీ వెంకటేశ్వర స్వామి 25వ వార్షికోత్సవం సందర్భంగా బ్రహ్మోత్సవాలను ఘనంగా నిర్వహించారు. ఈ సందర్భంగా  శ్రీవెంకటేశ్వర స్వామి శ్రీదేవి భూదేవి ల కళ్యాణ మహోత్సవాన్ని బుధవారం ఆశ్లేష నక్షత్ర యుక్త వృషభ లగ్న పుష్కరాంశమున అంగరంగ వైభవంగా నిర్వహించారు. వైదీక క్రతువులు  శ్రీమాన్ జగన్నాథం విష్ణువర్ధనాచార్యుల నేతృత్వం లో కల్యాణ మహోత్సవాన్ని కన్నుల పండువగా నిర్వహించగా వేలాది మంది భక్తులు పాల్గొనీ కళ్యాణాన్ని తిలకించి నేత్రానందభరితులయ్యారు. అనంతరం వసంతోత్సవం నిర్వహించి భక్తులకు తీర్థప్రసాదాల తో పాటు కల్యాణ  అక్షతలు ఆశీర్వచనం చేసారు. భక్తులకు  అన్న ప్రసాద వితరణ చేసారు. అనంతరం ప్రత్యేకంగా అలంకరించిన రథం పైన ఉత్సవమూర్తులను ఉంచి గిరి ప్రదక్షణ నిర్వహించారు. బ్రహ్మోత్సవాల్లో భాగంగా ఆలయ ప్రాంగణంలో సాంస్కృతిక కార్యక్రమాలను ఏర్పాటు చేశారు. 250 మంది చిన్నారులచే వివిధ దేవి దేవతల వేషధారణలతో నిర్వహించిన ఆధ్యాత్మిక కళారూపాల నృత్య ప్రదర్శన భక్తులను ఆకట్టుకున్నాయి. జిల్లా కేంద్రం నుండి అంబర్పేటకు ఆర్టీసీ స్పెషల్ బస్సులు నడిపారు . ఈ కార్యక్రమంలో మాజీ సర్పంచ్ గంగాధర్,   ఆలయ  చైర్మన్ మల్లేశం,మహేష్,,మనోజ్ యూత్ సభ్యులు భక్తులు పాల్గొన్నారు.