బాధిత విద్యార్థికి తక్షణమే న్యాయం చేయాలి - ఏబీవీపీ

బాధిత విద్యార్థికి తక్షణమే న్యాయం చేయాలి
  *  అవినాష్ కాలేజీ మీద చర్యలు తీసుకోవాలి
  *  ఏబీవీపీ నాయకుల ఆందోళన

సికింద్రాబాద్​ ఫిబ్రవరి 13 (ప్రజామంటలు) :

సికింద్రాబాద్ అవినాష్ కాలేజీ అరాచకాలు  రోజు రోజుకు పెరు గుతున్నాయని, వెంటనే అవినాష్ కాలేజీపై ప్రభుత్వం చర్యలు తీసుకోవాలని అఖిల భారతీయ విద్యార్థి పరిషత్  సికింద్రాబాద్ జిల్లా కన్వీనర్ బాలు డిమాండ్ చేశారు.  విద్యార్థులు గొడవపడ్డ కారణంగా డిగ్రీ సెకండ్ ఇయర్ చదువుతున్న రాహుల్ అనే దళిత విద్యార్థిని బహిష్కరించి, రోడ్డుపైకి నెట్టడాన్ని, విద్యార్థిపై బూటకపు కేసులు పెట్టడాన్ని నిరసిస్తూ గురువారం అవినాష్ కాలేజీ ప్రధాన గేట్ ముందు ఏబీవీపీ నాయకులు బైఠాయించి ధర్నా చేపట్టారు. ఈ సందర్భంగా ఏబీవీపీ సికింద్రాబాద్ జిల్లా కన్వీనర్  బాలు  మాట్లాడుతూ.. కాలేజీ నుంచి బహిష్కరింపబడిన దళిత విద్యార్థికి న్యాయం చేసి, అవినాష్ కళాశాల అనుమతులను రద్దు చేయాలని అన్నారు. బౌన్స ర్లతో కళాశాలను నడిపించడం ఇదెక్కడి సంస్కృతి అని, నిబంధన లకు విరుద్ధంగా ఫీజులు వసూలు చేయడం దారుణమని అన్నారు. దళిత విద్యార్థినిని చీకటి గదిలోవేసి కొట్టి రోడ్డు మీద పడేసిన అవినాష్ కళాశాల చైర్మన్ అవినాష్ ను వెంటనే అరెస్ట్ చేయాలని బాలు డిమాండ్ చేశారు.కాలేజీపై చర్యలు తీసుకోవాలని లేనిచో తమ పోరాటం ఉదృతం చేస్తామని వారు హెచ్చరించారు. కాలేజీకి వ్యతిరేకంగా నినాదాలు చేశారు. ఎలాంటి అవాంఛనీయ ఘటనలు చోటు చేసుకోకుండా గోపాలపురం పోలీస్​ స్టేషన్​ పోలీసులు బందోబస్తు నిర్వహించారు. ఆందోళన చేస్తున్న ఏబీవీపీ నేతలను అరెస్ట్​ చేసి, పోలీస్​ స్టేషన్​ కు బలవంతంగా వాహనంలో తీసుకువెళ్ళారు. కాసేపు కాలేజీ ఆవరణలో ఉద్రిక్తత పరిస్థితులు నెలకొన్నాయి.