మదిలోని భావాలకు అందమైన రూపం ‘చిత్రకళ’ ప్రముఖ ఆర్టిస్ట్‌ అంబాల ప్రభు

మదిలోని భావాలకు అందమైన రూపం ‘చిత్రకళ’

ప్రముఖ ఆర్టిస్ట్‌ అంబాల ప్రభు

జమ్మికుంట (ప్రజామంటలు): ప్రపంచ ఆర్ట్‌ డే సందర్భంగా సోమవారం జమ్మికుంట లోని ప్రభు ఆర్ట్స్‌ ప్రదర్శనశాలలో ప్రభుతో పాటు తోటి కళాకారులంతా కలిసి నగర ప్రముఖుల మధ్య ఘనంగా ప్రపంచ కళా దినోత్సవాన్ని నిర్వహించుకోవడం జరిగింది. ఈ సందర్భంగా అతిథులు మాట్లాడుతూ.... చిత్రకళ అనేది చాలా పురాతనమైన గొప్ప కళ అనీ, చిత్రకళలో ప్రావీణ్యం సంపాదించాలంటే ఎంతో ఓపిక, అభ్యాసము, అంకితభావం ఉండాలనీ అన్నారు. కళాకారులు తమ చిత్రాల ప్రదర్శన ద్వారా  సామాన్యుల నుండి సంపన్నుల వరకు సంతోషాన్నీ, ఆహ్లాదాన్నీ పంచటమే కాకుండా జీవితాన్ని కొత్త కోణంలో చూపిస్తారని అన్నారు. అంత సృజనాత్మకమైన కళను నేర్చుకొని జమ్మికుంట మరియు పరిసర ప్రాంత ప్రజలకు అందిస్తున్న మన కళాకారులందరికీ నేటి ప్రపంచ కళా దినోత్సవం సందర్భంగా మరొక్కసారి ధన్యవాదాలు, అభినందనలు తెలియజేశారు. ఈ సందర్భంగా అందరూ కలిసి కేకును కత్తిరించి పంచుకున్నారు. ఈ కార్యక్రమంలో అతిథులు మానవ హక్కుల వేదిక డాక్టర్‌ తిరుపతయ్య, భారత నాస్తిక సమాజం జీడి సారయ్య, ఎస్‌ ఆర్‌ కె అధినేత మారుతి, దీకొండ రాజేందర్‌ ప్రముఖ చిత్రకారుప్రభు ప్రభు, (శ్రీరామ్‌ ఆర్టిస్ట్‌) భువనేశ్వర్‌ (బ్రహ్మ ఆర్టిస్ట్‌) బ్రహ్మం, (విశ్వ కమల్‌ ఆర్టిస్ట్‌) కమల్‌  లను శాలువాలతో ఘనంగా సన్మానించి శుభాకాంక్షలు తెలిపారు.