భారత సురక్ష సమితి ఆధ్వర్యంలో మోడీ యోగి చిత్ర పటాలకు పాలాభిషేకం. 

జగిత్యాల మార్చి 1 (ప్రజా మంటలు) ప్రయాగ్ రాజ్ కుంభమేళాను విజయవంతం చేసిన ప్రధాని నరేంద్ర మోడీ ,యూపీ ముఖ్యమంత్రి యోగి ఆదిత్యనాథ్ చిత్రపటాలకు భారత సురక్ష సమితి ఆధ్వర్యంలో శనివారం సాయంత్రం 6 గంటలకు. పాలాభిషేకం చేశారు. ఈ సందర్భంగా సామాజిక సమరసత వేదిక జిల్లా అధ్యక్షుడు చిట్ల గంగాధర్ మాట్లాడుతూ 143 సంవత్సరాలకు ఒకసారి వచ్చే ఈ ప్రయాగరాజ్ కుంభమేళాకు అద్భుతమైన సౌకర్యాలు కల్పించి విజయవంతం చేసేందుకు కృషిచేసిన నరేంద్ర మోడీ, యోగి ఆదిత్యనాథ్ లు కారణజన్ములని కొనియాడారు. హిందూ ధర్మ రక్షణకు నిరంతరం కృషి చేస్తూ భవిష్యత్తులో సనాతన ధర్మాన్ని విశ్వవ్యాప్తం చేస్తున్న మహనీయులని అన్నారు. ప్రపంచమే ఆశ్చర్యపోయేలా ఒక కొత్త నగరాన్ని సృష్టించి కుంభమేళాకు వచ్చే భక్తులకు ఎలాంటి ఇబ్బందులు కలగకుండా సౌకర్యాలు కల్పించడంలో యూపీ ముఖ్యమంత్రి యోగి ఆదిత్యనాథ్ కృషి అమోఘమని అన్నారు. సుమారు 66 కోట్ల మంది భక్తులు కుంభమేళాలో పవిత్ర స్నానాలు ఆచరించారని ఇది ప్రపంచ రికార్డు అని అన్నారు. అత్యాధునిక సాంకేతిక పరిజ్ఞానాన్ని ఉపయోగించి భద్రతా చర్యలు చేపట్టారని అన్నారు. ఈ కార్యక్రమంలో రాష్ట్ర ఉపాధ్యక్షులు మాజీ కౌన్సిలర్ ఏ సి ఎస్ రాజు, పుప్పాల సత్యనారాయణ, చిట్ల గంగాధర్,వేముల పోచమల్లు, నరెందుల శ్రీనివాస్, బాషెట్టీ ప్రభాకర్,వేముల దేవరజo, ఎడమల వెంకట్ రెడ్డి, కస్తూరి లక్ష్మా రెడ్డి, తూనికి అంజన్న, గాధాసు భుమన్న, రాపర్తి రవి, సిరిపురం గంగారాం, బండారి మల్లికార్జున్, బోగ దేవన్న, కొత్తకొండ బాలన్న, తదితరులు పాల్గొన్నారు.