లైబ్రరీ గర్ల్ 'ఆకర్షణ"కు ప్రధాని ఆహ్వానం - న్యూఢిల్లీ  రిపబ్లిక్​ డే వేడుకలకు ఇన్విటేషన్​

లైబ్రరీ గర్ల్ 'ఆకర్షణ"కు ప్రధాని ఆహ్వానం
- న్యూఢిల్లీ  రిపబ్లిక్​ డే వేడుకలకు ఇన్విటేషన్​ 

:సికింద్రాబాద్​, జనవరి 21 ( ప్రజామంటలు):

న్యూఢిల్లీ లో జరిగే రిపబ్లిక్​ డే వేడుకలకు హాజరుకావాలని సిటీకి చెందిన స్టూడెంట్ ఆకర్షణ కు ఇన్విటేషన్​ అందింది. ఈమేరకు ప్రధాన మంత్రి కార్యాలయం నుంచి ఇన్విటేషన్​ లెటర్​, ఫ్లైట్​ టిక్కెట్లు అందినట్లు ఆకర్షణ తండ్రి సతీష్​ తెలిపారు. న్యూఢిల్లీ కర్తవ్య మార్గ్​ లో జరిగే 76వ రిపబ్లిక్​ డే వేడుకలకు తాము వెళ్తున్నట్లు ఆయన తెలిపారు. ఇటీవల రేడియోలో ప్రసారమైన మన్​కీ బాత్ లో ప్రధానమంత్రి నరేంద్రమోదీ ఆకర్షణ పేరు ప్రస్తావించి, రిపబ్లిక్​ డే వేడుకలకు ఆహ్వనించారన్నారు. హైదరాబాద్​ పబ్లిక్​ స్కూల్​ లో ఎనిమిదవ తరగతి చదువుతున్న ఆకర్షణ(13) ఇప్పటివరకు తన సొంత ఖర్చుతో పాటు సేకరించిన 12వేల పుస్తకాలతో 18 గ్రంధాలయాలను సిటీలోని అనాధాశ్రయాలు, ఏజ్​డ్​ ఫర్​ ది హోమ్​, దివ్యాంగ పాఠశాలల్లో ఏర్పాటు చేసింది. విషయం తెలుసుకున్న ప్రధానమంత్రి గతంలో హైదరాబాద్​ కు వచ్చినప్పుడు ఆకర్షణ ను పిలిపించుకొని, అభినందించారు. న్యూఢిల్లీ లోని రిపబ్లిక్​ డే వేడుకల్లో ఆకర్షణ పాల్గొనడం ఇది రెండవ సారి. కాగా జనవరి 26న హైదరాబాద్​ రాజ్​ భవన్​ లో జరిగే రిపబ్లిక్​ డే ఎట్ హోమ్​ కార్యక్రమానికి రావాలని గవర్నర్​ కార్యాలయం నుంచి కూడ ఆకర్షణకు ఇన్విటేషన్​ అందినట్లు తండ్రి సతీష్​ తెలిపారు.