నర్సింగ్ లెక్చరర్ పోస్టులలో మేల్ నర్సింగ్ ఆఫీసర్లకు అవకాశం ఇవ్వాలి
నర్సింగ్ లెక్చరర్ పోస్టులలో మేల్ నర్సింగ్ ఆఫీసర్లకు అవకాశం ఇవ్వాలి
సికింద్రాబాద్ ఏప్రిల్ 15 (ప్రజామంటలు): నర్సింగ్ లెక్చరర్ పోస్టుల భర్తీలో మేల్ నర్సింగ్ అధికారులకు అవకాశం కల్పించాలని పబ్లిక్ హెల్త్ అండ్ మెడికల్ ఎంప్లాయిస్ యూనియన్ రాష్ట్ర ప్రధాన కార్యదర్శి బొండుగుల వెంకటేశ్వర్ రెడ్డి అన్నారు. ఆయన సోమవారం వైద్య విద్యా సంచాలకులు డాక్టర్ శ్రీవాణి కి ఈ మేరకు వినతి పత్రం సమర్పించిన అనంతరం విలేకరులతో మాట్లాడుతూ... నర్సింగ్ ఆఫీసర్లుగా ఉద్యోగం చేస్తూ ఎమ్మెల్సీ నర్సింగ్ పూర్తిచేసిన మగ నర్సింగ్ ఆఫీసర్లకు నర్సింగ్ లెక్చరర్ పోస్టుల భర్తీలో కేవలం మహిళ నర్సింగ్ ఆఫీసర్లను భర్తీ చేసే విధంగా పాత జీవోలు ఉన్నాయని, వాటిని సవరించి రానున్న ప్రమోషన్ల భర్తీలో ఎమ్మెస్సీ పూర్తిచేసిన మగ నర్సింగ్ అధికారులకు కూడా అవకాశం కల్పించాలని ఆయన కోరారు. మన పొరుగు రాష్ట్రమైన ఆంధ్రప్రదేశ్ లో ఇప్పటికే ఈ జీవోను సవరించి అమలుపరచడం జరిగిందని తెలంగాణలో కూడా వెంటనే జీవన సవరించి మేలు నర్సింగ్ ఆఫీసర్లు కూడా ప్రమోషన్లలో అవకాశం కల్పించాలని, ఇందుకు రాష్ట్ర వైద్య ఆరోగ్య శాఖ మంత్రి దామోదర రాజనర్సింహ చర్యలు తీసుకోవాలని ఆయన కోరారు. వినతి పత్రం సమర్పించిన వారిలో హైదరాబాద్ జిల్లా అధ్యక్షులు కే వేణుగోపాల్ గౌడ్, నర్సింగ్ ఆఫీసర్స్ అసోసియేషన్ ప్రతినిధులు రాపోలు శేఖర్, కోర్ర వినోద్, రవి కుమార్ నేనావత్, బి రవి తదితరులు పాల్గొన్నారు.