సత్తా చాటిన సాంఘిక సంక్షేమ గురుకుల అమ్మాయిలు

సికింద్రాబాద్, ఏప్రిల్ 22 ( ప్రజామంటలు) :

ఇంటర్ ఫస్ట్, సెకండ్ ఇయర్ ఫలితాల్లో మహేంద్ర హిల్స్ సాంఘిక సంక్షేమ గురుకుల పాఠశాల,కళాశాల అమ్మాయిలు సత్తా చాటారు.  పిల్లలు ఉత్తీర్ణత సాధించడం పట్ల ఆమె తల్లిదండ్రులు, కాలేజీ ప్రిన్సిపల్ శీలం సునీత హర్షం వ్యక్తం చేశారు. వివరాలు ఇవి....

మహేంద్రహిల్స్ లోని తెలంగాణ రాష్ర్ట సోషల్ వెల్ఫేర్ స్కూల్,కాలేజీ ఫర్ గర్ల్స్  లో  ఫస్ట్ ఇయర్ లో మొత్తం 76 మంది పరీక్షలు రాయగా, 74 మంది (97.3 శాతం)ఉతీర్ణులు అయ్యారు. ఫస్ట్ ఇయర్ లో ఎంపీసీ లో వంద శాతం మంది పాస్ కాగా, ఇందులో 467/470 మార్కులతో కే.శృతి టాపర్ గా నిలవగా, బి.శ్రీచన, డి.పూర్ణిమ లు 466/470 మార్కులతో సెకంట్ టాపర్ గా నిలిచారు. బైపీసీ లో 95 శాతం మంది పాస్ అవగా, ఇందులో 437/440 మార్కులతో ఎం.సంప్రీతి టాపర్ గా నిలవగా, 436/440 మార్కులతో సెకంట్ టాపర్ గా నిలిచారు.

ఇక సెకండ్ ఇయర్ లో మొత్తం 77 మంది పరీక్షలు రాయగా, 76 మంది పాస్(98,7శాతం) అయ్యారు.  ఎంపీసీలో వందశాతం పాస్ అవగా, ఇందులో డి.మమత 992/1000 మార్కులతో టాపర్ గా, టి.మౌనిక991/1000 మార్కులతో సెకండ్ టాపర్గా మెరిశారు.బీపీసీలో 97శాతం పాస్ అవగా, బి.ప్రవళిక 991/1000 మార్కులతో టాపర్గా, జీ.స్నేహ 989/1000 మార్కులతో సెకండ్ టాపర్ గా నిలిచారు.