స్కందగిరిలో అక్రమ నిర్మాణంపై హైడ్రా కొరడా..

 *  ఫిల్లర్లను కూల్చిన సిబ్బంది
 *  రోడ్డును కబ్జా చేసిన మాజీ మున్సిపల్​ ఉద్యోగి

సికింద్రాబాద్​ మార్చి 21 (ప్రజామంటలు) :

సికింద్రాబాద్​ నార్త్​ జోన్​ పరిధిలోని పద్మారావునగర్​ స్కందగిరి ప్రాంతంలో ఓ రోడ్డును కబ్జా చేసి భవనం కట్టేందుకు యత్నించిన జీహెచ్​మెమ్​సీ మాజీ ఉద్యోగి నిర్వాకం ఇది. హైడ్రా, జీహెచ్​ఎమ్​సీ అధికారులు తెలిపిన వివరాల ప్రకారం..1986 లో స్కందగిరి ప్రాంతంలో కొత్తగా ఇండ్లు నిర్మించేందుకు గాను లే అవుట్​  ప్రకారంగా  కాలనీ వాసులు స్టలాలు కొనుగోలు చేసి, ఇండ్లు కట్టుకున్నారు. అయితే అప్పుడు మున్సిపల్​ కార్పొరేషన్​ లో పనిచేసే ఓ ఉద్యోగి కాలనీలో లే అవుట్​ ప్రకారం ఉన్న రహదారిపై  1991 లో ఫిల్లర్ల నిర్మాణం చేశాడు. ఆ పక్కన మరో వ్యక్తి ఏకంగా ఓ భవనాన్ని నిర్మించాడు. స్థానిక అపార్ట్​ మెంట్ వాసులు చాలా ఏండ్లుగా ఈ విషయమై ఉన్నతాధికారులకు ఫిర్యాదు చేసినా అధికారులు  పట్టించుకోలేదు.

కోర్టులు, పోలీస్​ స్టేషన్లు తిరిగిన స్థానికులు  చివరికి ఇటీవల హైడ్రాకు ఫిర్యాదు చేసినట్లు వారు తెలిపారు. కబ్జా దారుడు మాజీ మున్సిపల్​ ఉద్యోగి అయినందునే ఇంతకాలం తాము ఎన్నిసార్లు ఫిర్యాదు చేసినప్పటికీ నార్త్​ జోన్​ జీహెచ్​ఎమ్​సీ అధికారులు పట్టించుకోలేదని వారు పేర్కొన్నారు. ఎట్టకేలకు స్థానికుల ఫిర్యాదు కు  స్పందించిన హైడ్రా అధికారులు శుక్రవారం స్కందగిరి ప్రాంతానికి వచ్చి, వాటర్​ ట్యాంక్​ ఎదురుగా ఉన్న రోడ్డు స్థలంలో నిర్మించిన సిమెంట్​,కాంక్రీట్​ ఫిల్లర్లను కూల్చివేశారు.

ఇదే దారిపై ఉన్న ఓ అపార్ట్ మెంట్ కు నోటీసులు ఇచ్చామని, దానిపై కూడ చర్యలు తీసుకుంటామని హైడ్రా అధికారులు తెలిపారు. హైడ్రా సీఐ ఆదిత్య, బేగంపేట జీహెచ్​ఎమ్​సీ డిప్యూటీ కమిషనర్​ సమ్మయ్య, డీసీపీ సుస్మిత, చైన్​మెన్లు జగదీష్​, భూషన్​,సిబ్బంది  పాల్గొన్నారు