లింగ నిర్ధారణ నిషేధ అడ్వైజరీ కమిటీ మెంబర్ గా తౌటు  రామచంద్రం

                              సిరిసిల్ల. రాజేంద్ర శర్మ
 జగిత్యాల ఏప్రిల్ 9 (ప్రజా మంటలు)
లింగ నిర్ధారణ పరీక్షలఫై  నిషేధం విధించిన నాటి నుండి అనగా గత 30 సంవత్సరాలుగా లింగ నిర్ధారణ పరీక్షలు జరప వద్దని, ఎక్కడ ఇలాంటి పరీక్షలు జరిగినా, అడ్డుకోవాలని, ఇలాంటి పరీక్షలను కఠినంగా నిషేధించాలని, పోరాటం సలుపుతున్న సామాజిక కార్యకర్త తవుటు రామచంద్రం ను పి సి  పి యన్ డి టి అడ్వైజరీ కమిటీ మెంబర్ గా నియమించారు.

బ్రూన హత్యల నిషేధాన్ని  కఠినంగా అమలు పరచాలని,ఎవరైనా ఇలాంటి పరీక్షలకు పాల్పడితే ఉక్కు పాదం మోపి కఠినంగా శిక్షించాలని, 30 సంవత్సరాలుగా ఈ విషయమై పోరాడుతున్న తవుటు రామచంద్రం, స్త్రీ పురుష నిష్పత్తిలో తేడాలు రాకుండా కాపాడాల్సిన బాధ్యత అందరిపై ఉందని, ప్రస్తుతం 1000 మగ  930 స్త్రీ నిష్పత్తి ఉందని, ఈ నిష్పత్తిలో తేడాలు సమసిపోవాలని, సమతుల్యత సాధించాలని అన్నారు. గత 30 సంవత్సరాలుగా పోరాడుతున్న తవుటు రామచంద్రం సేవలను, గుర్తించిన అధికారులు అడ్వైజరీ కమిటీ మెంబర్ గా నియమించారని,      తవుటు రామచంద్రం తెలిపారు.

మంగళవారం నాడు కలెక్టరేట్లో జరిగిన సమావేశంలో తౌటు రామచంద్రం మాట్లాడుతూ లింగ నిర్ధారణ పరీక్షలకు ఎవరు పాల్పడినా కఠినంగా శిక్షించాలని అన్నారు.ఈ సందర్భంగా తవుటు రామచంద్రం మాట్లాడుతూ            తన నియామకానికి సహకరించిన జిల్లా కలెక్టర్ కు, రెవెన్యూ అధికారులకు, ఆరోగ్యశాఖ అధికారులకు కృతజ్ఞతలు తెలిపారు.