ఆధార్​ కార్డు లేక చిన్నారిని తిప్పి పంపిన స్కూల్​ నిర్వాహకులు

 తిరిగి ఈ రోజు అదే స్కూల్​ లో చిన్నారిని చేర్పించిన కాంగ్రెస్​ ఇంచార్జీ నీలిమ

సికింద్రాబాద్​ మార్చి 06 (ప్రజామంటలు) :

అనివార్య కారణాలతో చదువును మద్యలో ఆపేసిన కూలీ పనులు చేసుకునే వారి కూతురు ను తిరిగి స్కూల్ లో ​ చేర్పించి సనత్​ నగర్​ కాంగ్రెస్​ ఇంచార్జీ డా.కోట నీలిమ తన ఔదార్యాన్ని చాటుకున్నారు. వివరాలు ఇవి..సనత్​ నగర్​ దాసారం బస్తీకి చెందిన చిన్నారి మల్లెల శ్రీవిద్య (8) తల్లిదండ్రులు అశోక్​, మమత కూలీ పనులు చేస్తుంటారు. వీరు తమ కూతురును గత ఏడాది స్థానికంగా ఉన్న ఓ ప్రైవేట్​ స్కూల్​ లో చేర్పించారు. అయితే పాప శ్రీవిద్య కు బర్త్​ సర్టిఫికెట్​, ఆధార్​ కార్డు లేనందున స్కూల్​ కు పంపవద్దంటూ స్కూల్​ నిర్వాహకులు చిన్నారి శ్రీవిద్య పేరును తొలగించారు. దాంతో అప్పటి నుంచి పాప చెత్తా, చెదారంలో దొరికే కాగితాలను తీసుకొని, వాటి ఆధారంగా పేపర్లపై రాసుకుంటూ, చదువుకోడానికి ప్రయత్నిస్తుంది. ఈ విషయం తెలుసుకున్న సనత్​ నగర్​ కాంగ్రెస్​ ఇంచార్జీ డా.కోట నీలిమ స్థానిక నాయకులతో కలసి వెళ్లి చిన్నారి తల్లిదండ్రులను కలిశారు. పాప ఆధార్​ కార్డు లేదనే కారణంతో స్కూల్​ నుంచి తిప్పి పంపారనే విషయాన్ని కోట నీలిమ విద్యాశాఖ కమిషన్​ చైర్మన్​ ఆకునూరి మురళితో మాట్లాడారు. చైర్మన్​ స్థానిక విద్యాశాఖాధికారులకు ఇచ్చిన ఆదేశాలతో కోట నీలిమా గురువారం చిన్నారి శ్రీవిద్యను తిరిగి అదే ప్రైవేట్​ స్కూల్​ లో చేర్పించారు. తమ పాపకు తిరిగి స్కూల్​లో చేర్పించిన కాంగ్రెస్​ నాయకురాలు డా.కోట నీలిమకు చిన్నారి తల్లి దండ్రులు కృతజ్ఞతలు తెలిపారు.