చెరువుల రక్షణకు హైడ్రా కు టీడీఎఫ్​ సూచనలు

చెరువుల రక్షణకు హైడ్రా కు టీడీఎఫ్​ సూచనలు​

సికింద్రాబాద్​, ఫిబ్రవరి 02 ( ప్రజామంటలు):

తెలంగాణ డెవలప్మెంట్ ఫోరం( టీడీఎఫ్) ఆధ్వర్యంలో హైడ్రా కమిషనర్  ఏవి రంగనాథ్ కు ఎమ్మెల్సీ ప్రొఫెసర్ కోదండరాం, తెలంగాణ డెవలప్మెంట్ ఫోరం ఇండియా అధ్యక్షులు మట్ట రాజేశ్వర్ రెడ్డి లు చెరువుల రక్షణకు సూచనలతో కూడిన రిపోర్టును అందచేశారు. డాక్టర్​ బిక్షం గుజ్జ, డా.కే.శివకుమార్​, శ్రవన్​ కుమార్​ ల సహాకారంతో తెలంగాణ ట్రెడిషనల్​ వాటర్​ హెరిటేజ్​ ఏ ఫ్రేమ్​ వర్క్​ ఫర్​ రివైనింగ్​ టైమ్స్​ చెరువులు, కుంటలు, వాటర్​ బాటిల్స్​ కు సంబందించిన రిపోర్ట్​ ను హైడ్రా కమిషనర్​ కు అందచేసినట్లు టీడీఎప్​ ప్రతినిధులు తెలిపారు. ఈ రిపోర్ట్ ను తెలంగాణ సమాజానికి పుస్తక రూపంలో అందించినట్లు టీడీఎఫ్​ అమెరికా మాజీ   ప్రెసిడెంట్​ గాదె గోపాల్ రెడ్డి తెలిపారు. తెలంగాణ రాష్ర్టానికి సంబందించిన 46 వేల5వందల నీటి వనరుల గురించి ఈ రిపోర్ట్​ లో  పొందుపరిచామని తెలిపారు. ముఖ్యంగా హైదరాబాద్​ కలుపుకొని నాలుగు జిల్లాలకు సంబందించిన 1042 చెరువులకు సంబందించిన డీటెయిల్​ రిపోర్ట్​ ను కమిషనర్​ కు అందించామన్నారు. స్పందించిన హైడ్రా కమిషనర్​ రంగనాథ్​ మాట్లాడుతూ...ఈ రిపోర్ట్​ పై సమీక్ష  కు సంబందించి రౌండ్​ టేబుల్​ కాన్ఫరెన్స్​ వచ్చే వారం నిష్ణాతులైన రిటైర్డ్​ ఇంజనీయర్స్​,  తెలంగాణ డెవలప్​ మెంట్​ ఫోరం సభ్యులతో కలసి ముఖ్య సమావేశం నిర్వహిస్తామన్నారు. కార్యక్రమంలో టీడీఎఫ్​ ఇండియా ప్రెసిడెంట్​ మట్టా రాజేశ్వర్​రెడ్డి, ఎమ్మెల్సీ కోదండరాం, డాక్టర్​ కే.శివకుమార్​, టీడీఎఫ్​ ఇండియా మాజీ చైర్మన్​ బద్దం రణధీర్​ పాల్గొన్నారు.