శ్రీలలిత డెడ్​ బాడీకి గాంధీ లో పోస్టుమార్టం పూర్తి..

శ్రీలలిత డెడ్​ బాడీకి గాంధీ లో పోస్టుమార్టం పూర్తి..
  * కూతుర్ల నుంచి సూసైడ్​ లేఖ స్వాధీనం 
  * అనుమానస్పద మృతిగా కేసు నమోదు

సికింద్రాబాద్​ ఫిబ్రవరి 01 (ప్రజామంటలు):

వారాసిగూడ పోలీస్​ స్టేషన్​ పరిధిలోని బౌద్దనగర్​ లో 9 రోజుల క్రితం చనిపోయిన శ్రీలలిత డెడ్​ బాడికి శనివారం గాంధీ ఆసుపత్రిలో పోస్టు మార్టం చేశారు. అనంతరం డెడ్​ బాడిని ఆమె సోదరుడు రమేశ్​, ఇద్దరు కూతుర్లు రవళిక, అశ్విత లకు అప్పగించినట్లు వారాసిగూడ ఇన్​స్పెక్టర్​ సైదులు, అడ్మిన్​ ఎస్​ఐ సుధాకర్​ తెలిపారు.

శ్రీలలిత ది అనుమానస్పద మృతిగా కేసు నమోదు చేశామని, పోస్టు మార్టం ఫోరెన్సిక్​ రిపోర్టులో వాస్తవాలు తెలుస్తాయని తెలిపారు.  శ్రీలలిత అంత్యక్రియలను దోమల గూడ లో నిర్వహించినట్లు కుటుంబసభ్యులు తెలిపారు. కాగా జనవరి 22న రాత్రి తల్లి శ్రీలలిత చనిపోయిన తర్వాత మరుసటి రోజు డిఫ్రెషన్​ లోకి వెళ్లిపోయిన కూతుర్లు రవళిక, అశ్విత లు సూసైడ్​ చేసుకునేందుకు నిర్ణయించుకొని, తర్వాత ధైర్యం చాలక ఆ ప్రయత్నం మానుకొన్నారు.

ఆ సమయంలో వారు రాసిన సూసైడ్​  లేఖను పోలీసులు స్వాధీనం చేసుకున్నారు. తమ అమ్మ శ్రీలలిత తో పాటు తమ ఆత్మహత్యలకు ఐదుగురు వ్యక్తులు కారణమంటూ వారి పేర్లు, ఫోన్​ నెంబర్లతో కూతుర్లు రవళిక, అశ్విత లు సూసైడ్​ లెటర్​ రాశారు. తమ తండ్రి సీఎల్ రాజు తో పాటు మేనమామ, మరో ముగ్గురిపై కఠిన చర్యలు తీసుకోవాలని వారు  ఆ లేఖలో కోరారు. తండ్రి మిస్సింగ్ గురించి పోలీసులకు ఫిర్యాదు చేసిన పట్టించుకోలేదన్నారు.

 స్థానికులు కొందరు బ్లాక్​ మేజిక్​ చేసి అమ్మను చంపారని ఆ లేఖలో పేర్కొన్నారు. అయితే తాము డిప్రెషన్​ లో ఆ లేఖ రాశామని రవళిక, అశ్విత చెప్పినట్లు పోలీసులు తెలిపారు.