పెన్షనర్లను నిరాశపర్చిన కేంద్ర బడ్జెట్.    

పెన్షనర్లను నిరాశపర్చిన కేంద్ర బడ్జెట్.                           -హరి ఆశోక్ కుమార్,జిల్లా అధ్యక్షుడు,తెలంగాణ పెన్షనర్స్ అసోసియేషన్,

జగిత్యాల ఫిబ్రవరి 1:

కేంద్రప్రభుత్వం శనివారం పార్లమెంట్ లో ప్రవేశ పెట్టిన బడ్జెట్ పెన్షనర్లను నిరశపరిచిందని తెలంగాణ పెన్షనర్స్ అసోసియేషన్  జగిత్యాల  జిల్లా అధ్యక్షుడు హరి ఆశోక్ కుమార్ అన్నారు.శనివారం జిల్లా సంఘ కార్యాలయంలో  2025-26 కేంద్ర బడ్జెట్ అంశంపై సమావేశం జరిపారు.ఈ సందర్భంగా  ఆయన మాట్లాడుతూ గత 10 ఏళ్ళుగా  పెన్షన్ పై ఆదాయపు పన్ను మినహాయించాలని ప్రధాన మంత్రిమోదీకి,కేంద్ర ఆర్ధికమంత్రినిర్మలా సీతారామన్ లకు పోస్టు కార్డుల ద్వారా వినతులు పంపామని,ఢిల్లీ వెళ్లి జంతర్  మంతర్ వద్ద ధర్నాలు చేసినప్పటికీ ఈ 2025-26 కేంద్ర బడ్జెట్ లో పెన్షనర్లను ఆదాయపు పన్ను నుంచి మినహాయింపు చేయక పోవడం పట్ల ఆందోళన వ్యక్తం చేశారు.అంత్యోదయ స్పూర్తితో ప్రవేశ పెట్టమని ప్రకటించిన కేంద్రం 30 ఏండ్లకు పైగా ప్రభుత్వంకు,ప్రజలకు సేవలు అందించి పదవీవిరమణ పొందిన  వారికి         కేంద్ర,రాష్ట్ర ప్రభుత్వాలు  గౌరవ భృతి గా ఇచ్చే పెన్షన్ పై ఆదాయపు పన్నురద్దు చేస్తే ఎంతో ఊరట నిచ్చేదన్నారు.పెన్షనర్లకు ఆదాయపన్ను రద్దు చేసేంతవరకు తమ అసోసియేషన్ రాష్ట్ర అధ్యక్షుడు గాజుల నర్సయ్య ఆధ్వర్యంలో ఉద్యమిస్తూనే ఉంటామన్నారు.ఈ సమావేశంలో జిల్లా ప్రధాన కార్యదర్శి బొల్లం విజయ్,కోశాధికారి గౌరిశెట్టి విశ్వనాథం,సహాయ అధ్యక్షుడు పి.హన్మంత్ రెడ్డి,ఉపాధ్యక్షులు వెల్ముల
ప్రకాష్ రావు,ఎం.డి.యాకూబ్,ఆర్గనైజింగ్ కార్యదర్శులు పి.ఆశోక్ రావు,సత్యనారాయణ,నాయకులు దిండిగాల విఠల్,కరుణ,మధుసూదన్ రావు,పబ్బా శివానందం,వి.ప్రభాకర్ రావు,కండ్లే గంగాధర్,ఉప్పుగళ్ల మురళీధర్,వేణుగోపాల్ రావు,రెవెన్యూ యాకూబ్, జిల్లా,డివిజన్,వివిధ మండల శాఖల ప్రతినిధులు పాల్గొన్నారు.