ప్రపంచ పిల్లల దినోత్సవం కోసం రేపు ప్రత్యేక ప్రజావాణి కార్యక్రమం

By ch v prabhakar rao

On 19 Nov 2024 19:50:09

ప్రపంచ పిల్లల దినోత్సవం కోసం రేపు ప్రత్యేక ప్రజావాణి కార్యక్రమం

హైదరాబాద్ నవంబర్ 19:

ప్రపంచ పిల్లల దినోత్సవాన్ని పురస్కరించుకొని, ఈ నెల 20న బుధవారం ఉదయం 11.00 గంటలకు పిల్లల కోసం మహాత్మా జ్యోతిబా ఫూలే ప్రజాభవన్లో ప్రత్యేకంగా ప్రజావాణి కార్యక్రమాన్ని నిర్వహించనున్నారు.

పిల్లలు - ప్రజావాణి పేరిట హై స్కూల్, జూనియర్ కాలేజ్ స్థాయి విద్యార్థిని, విద్యార్థుల ముఖాముఖి కార్యక్రమానికి ముఖ్య అతిథులుగా రాష్ట్ర ప్రణాళికా సంఘం వైస్ చైర్మన్ డాక్టర్ జి చిన్నారెడ్డి, యూనిసెఫ్ చీఫ్ జలాలెమ్ బి తఫిసి, ప్రజావాణి స్టేట్ నోడల్ అధికారి దివ్య, మహిళా, శిశు సంక్షేమ శాఖ కార్యదర్శి అనితా రామచంద్రన్, వివిధ శాఖలకు సంబంధించిన రాష్ట్రస్థాయి అధికారులు హాజరుకానున్నారు.

విద్యా రంగంలో బాల, బాలికలు ఎదుర్కొంటున్న సమస్యలు, వారికి కావలసిన సౌకర్యాలు, భద్రతా వంటి అంశాలపై ఈ ప్రత్యేక ప్రజావాణి కార్యక్రమం కొనసాగనుంది.