ఆల్​ సోల్స్​ డే కు అన్ని ఏర్పాట్లు చేయండి

ఆల్​ సోల్స్​ డే కు అన్ని ఏర్పాట్లు చేయండి...
   * ఆయా శాఖల అధికారులకు ఎమ్మెల్యే ఆదేశం

సికింద్రాబాద్​, అక్టోబర్​ 26 (ప్రజామంటలు) :

నవంబర్ 2న నిర్వహించే ఆల్ సోల్స్ డే      (పవిత్ర ఆత్మలదినం) కు అన్ని ఏర్పాట్లు చేయాలని  మాజీమంత్రి, సనత్ నగర్ ఎమ్మెల్యే  తలసాని శ్రీనివాస్ యాదవ్ అధికారులను ఆదేశించారు. బన్సీలాల్​ పేట లోని  బోయగూడ లో గల క్యాథలిక్ గ్రేవ్ యార్డ్ లో చేపట్టవలసిన పలు అభివృద్ధి పనులపై శనివారం మారేడ్ పల్లిలోని ఎమ్మెల్యే  క్యాంప్ కార్యాలయంలో వివిధ శాఖల అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ... ఆల్ సోల్స్ డే సందర్బంగా గ్రేవ్ యార్డ్ కు వేలాదిమంది వస్తారని, వారు ఎలాంటి అసౌకర్యానికి గురికాకుండా ప్రతి సంవత్సరం మాదిరిగానే ఈ సారి  కూడా వసతులు, సౌకర్యాలు కల్పించాలని ఆదేశించారు. గ్రేవ్ యార్డ్ కు పెయింటింగ్ వేయడం,  శుభ్రపర్చడం, అవసరమైన లైటింగ్ ఏర్పాటు, చెత్త, వ్యర్ధాలను తొలగించి పరిశుభ్రమైన వాతావరణం కల్పించేలా చర్యలు తీసుకోవాలని అధికారులను ఆదేశించారు. వివిధ శాఖలకు చెందిన అధికారులు సమన్వయంతో వ్యవహరిస్తూ ఏర్పాట్లను పర్యవేక్షించాలని అన్నారు. కార్పొరేటర్ కుర్మ హేమలత, ఈఈ సుదర్శన్, హార్టికల్చర్ అధికారి గణేష్, ఎలక్ట్రికల్ ఏడీ మోహన్, స్ట్రీట్ లైట్ ఏఈ భరత్, శానిటేషన్ డీఈ ధర్మారెడ్డి, గ్రేవ్ యార్డ్ నిర్వహకులు జయరాజ్, లష్కర్ జిల్లా సాధన సమితి అధ్యక్షుడు గుర్రం పవన్ కుమార్ గౌడ్, నాయకులు  వెంకటేషన్ రాజు,ఏసూరి మహేష్, రమణ, సురేష్ పాల్గొన్నారు.

––––––––––––