విద్యార్థులు వత్తిడి కి గురి కాకుండా పరీక్షలకు సిద్దం కావాలి  జిల్లా కలెక్టర్ సత్య ప్రసాద్ 

జగిత్యాల మార్చి 6(ప్రజా మంటలు)
విద్యార్థులు వత్తిడికి గురికాకుండా పరీక్షలకు సిద్దం కావాలని జిల్లా కలెక్టర్ 
అన్నారు.

గురువారం రోజున పట్టణంలోని ప్రభుత్వ ఉన్నత పాఠశాల (ఓల్డ్) హైస్కూల్లో పదవ తరగతి చదువుతున్న విద్యార్థులకు రాబోయే పదవ తరగతి పరీక్షల నిమిత్తం ఉత్తమ ప్రతిభ కనబరిచేందుకు వారు మంచిగా పరీక్షలు రాయడానికి జై భావ విజయీభవ అనే పాంప్లెట్ ఆవిష్కరించి విద్యార్థులకు పాంప్లెట్ పంపిణీ చేశారు.

ఈ సందర్భంగా కలెక్టర్ మాట్లాడుతూ రానున్న 10,వ తరగతి పరీక్షలు ఈ నెల 21వ తేదీ నుండి ప్రారంభం అవుతున్న నేపథ్యంలో విద్యార్థులు ఆరోగ్యానికి కాపాడుకోవాలని అన్నారు. విద్యార్థులు ఒత్తిడికి  గురికాకుండా పరీక్షలకు ప్రిపేర్ కావాలని తెలిపారు.

రానున్న పదవ తరగతి పరీక్షలకు అన్ని ఏర్పాట్లు చేయడం జరుగుతుందని ముఖ్యంగా పరీక్ష కేంద్రాల వద్ద (144) సెక్షన్ అమలు ఉంటుందని అన్నారు. పరీక్ష కేంద్రాలలో కావాల్సిన  లైటింగ్ , బాత్రూమ్స్ త్రాగునీరు వంటి ఏర్పాట్లు చేస్తున్నాము అని తెలిపారు.

ప్రశ్నపత్రాలు పరీక్ష కేంద్రాలకు ప్రోటోకాల్ ప్రకారం తరలించడం జరుగుతుంది  ప్రశ్న పత్రాలు లీక్  కాకుండా పకడ్బందీగా పరీక్షలు నిర్వహిస్తామని తెలిపారు.

పరీక్ష కేంద్రాలలో మాస్ కాపీయింగ్ కాకుండా సీసీ టీవీ కెమెరాల పర్యవేక్షణలో పరీక్షలు జరుగుతాయని 
వేసవికాలం నేపథ్యంలో విద్యార్థులకు పరీక్ష కేంద్రాల వద్ద  ఓ ఆర్ ఎస్ , మెడికల్ కిట్స్ అందుబాటులో ఉంటాయని తెలిపారు.

ఈ కార్యక్రమంలో, ఆర్డీవో పులి మధుసూదన్, జిల్లా విద్యా అధికారి , రాము, పాఠశాల సిబ్బంది పాల్గొన్నారు.