చెట్లను నరికి ప్రకృతితో యుద్ధం చేస్తున్నారు.. పర్యావరణ హణనానికి  పాల్పడుతున్నారు - ఎమ్మెల్సీ కవిత

హైదరాబాద్ ఎప్రిల్ 04:

చెట్లను నరికి ప్రకృతితో యుద్ధం చేస్తున్నారు.. పర్యావరణ హణనానికి  పాల్పడుతున్నారు.కేసీఆర్ గారి హయాంలో తెలంగాణలో అడవులు 7.7 శాతం  పెరిగాయి. ఇప్పుడు రాష్ట్రంలో చెట్లను నరికేసే పరిపాలన సాగుతున్నదని, తెలంగాణ నేల మీద ఇప్పుడు మరో ఉద్యమం జరుగుతున్నదనీ ఎమ్మెల్సీ కల్వకుంట్ల కవిత విమర్శించారు.

దాశరథి శత ఉత్సవాల్లో భాగంగా "ఆ చల్లని సముద్ర గర్భం" దృశ్యగీతాన్ని తెలంగాణ జాగృతి రూపొందించింది. దృశ్యగీతం ఆవిష్కరణ సభలో ముఖ్య అతిథిగా  బీఆర్ఎస్ ఎమ్మెల్సీ కల్వకుంట్ల కవిత పాల్గొన్నారు.

ఈ సభలో కల్వకుంట్ల కవిత మాట్లాడుతూ,కంచ గచ్చిబౌలి భూముల్లో ప్రకృతి విధ్వంసం పై బీఆర్ఎస్ ఎమ్మెల్సీ కల్వకుంట్ల కవిత తీవ్ర ఆవేదన చెందారు. ఇంకా, నెమళ్ళు అరుస్తుంటే కన్నీళ్లు వస్తున్నాయి.లేళ్లకు నిలువ నీడ లేకుండా  చేస్తున్నారనీ విమర్శించారు.

నిజాం రాజు ఎన్ని హింసలు పెట్టినా దాశరథి తెలంగాణ వాదాన్ని వదలలేదు.ప్రతి ప్రజా ఉద్యమంలో పాల్పంచుకున్న గొప్ప వ్యక్తి దాశరథి తెలంగాణ ఉద్యమానికి దాశరథి రచనలు స్ఫూర్తినిచ్చాయనీ,పోరాటానికి మందుగుండు సామాగ్రిని దాశరథి తయారు చేశారనీ అన్నారు.

ఈ ప్రభుత్వానికి తెలంగాణ సోయి లేదు.. తెలంగాణ కోణంలో పరిపాలన జరగడం లేదనీ, తెలంగాణ తల్లి విగ్రహాన్ని మార్చిన దౌర్భాగ్యమైన ప్రభుత్వం రాష్ట్రంలో ఉందni విమర్శించారు.