గాంధీలో 3 రోజుల పాటు సీపీఆర్​ పై ఉచిత ట్రైనింగ్​

గాంధీలో 3 రోజుల పాటు సీపీఆర్​ పై ఉచిత ట్రైనింగ్​
  * గాంధీ అలుమ్ని, గ్లోబల్​ అలుమ్ని, జనహిత ఆధ్వర్యంలో క్యాంప్​
  *5వేలకు పైగా సిటిజన్స్​ కు సీపీఆర్​ శిక్షణ

సికింద్రాబాద్​, జనవరి 17 (ప్రజామంటలు):

గుండెపోటు వచ్చిన సమయంలో ఫస్ట్ ఏయిడ్​ గా అత్యవసరంగా నిర్వహించే సీపీఆర్​ (కార్డియో ఫల్మనరి రిస్యూసిటేషన్​) ఎలా చేయాలో తెలిపే కమ్యూనిటీ సీపీఆర్​  ట్రైనింగ్​ ను సికింద్రాబాద్​ గాంధీ మెడికల్ కాలేజీ అలుమ్మి భవనంలో ఈనెల 19 నుంచి మూడు రోజుల పాటు నిర్వహించనున్నారు. ఈమేరకు శుక్రవారం గాంధీ అలుమ్మి ఆడిటోరియంలో నిర్వహించిన మీడియా సమావేశంలో నిర్వాహకులు గాంధీ మెడికల్ కాలేజీ అలుమ్ని అసోసియేషన్​, గ్లోబల్​ అలయెన్స్​,జనహిత సేవా ట్రస్ట్ ప్రతినిధులు సీపీఆర్​ ట్రైనింగ్ కు సంబందించిన వివరాలను వెల్లడించారు. గత నాలుగేళ్ళుగా తమ ఆధ్వర్యంలో చేస్తున్న సీపీఆర్​ ట్రైనింగ్ క్యాంపులో 30వేలకు పైగా వివిద రంగాల్లోని వారికి శిక్షణ ఇచ్చినట్లు తెలిపారు. ఇందులో డాక్టర్లు, నర్సులు, పోలీసులు, ఆటో డ్రైవర్లు, ట్రాఫిక్​ సిబ్బంది, ఇంటర్​,డిగ్రీ, ఇంజనీరింగ్ స్టూడెంట్లు, 108 సిబ్బంది ఉన్నారని అన్నారు. హార్ట్​ ఎటాక్​ వచ్చిన సమయంలో వ్యక్తికి అత్యవసరంగా గోల్డెన్​ హవర్స్​ గా పరిగణించే  ఆ టైమ్​ లో  కొన్ని నిమిషాల పాటు ఛాతీ భాగంలో సీపీఆర్​ చేస్తే, ప్రాణపాయం నుంచి బయట పడే అవకాశం ఉంటుందన్నారు. ఆసుపత్రికి తీసుకెళ్ళే ముందుగా సీపీఆర్​ చేసిన గత సందర్బాల్లో చాలా మంది ప్రాణాపాయం నుంచి తప్పించుకున్నారని వారు గుర్తు చేశారు. సీపీఆర్​ ట్రైనింగ్ ఒక గంట పాటు ఉంటుందని, ఇందులో మానవ బొమ్మపై ప్రాక్టికల్​ తో పాటు థియరీ క్లాస్​ ఉంటుందన్నారు. ఉచితంగా  నిర్వహించే ఈ సీపీఆర్ ట్రైనింగ్ లో ప్రతి రంగానికి చెందిన పౌరులు పాల్గొని, శిక్షణ పొందాలని వారు కోరారు. ప్రతి ఒక్కరు సీపీఆర్​ నేర్చుకుంటే గుండెపోటు వచ్చిన అత్యవసర సమయంలో ఎదుటి వారి ప్రాణాలను కాపాడే వైద్యులు అవుతారని, మరోజన్మ ప్రసాదించిన దేవుళ్ళుగా కొనియాడ బడతారన్నారు. ఈ ఏడాది నిర్వహించే సీపీఆర్​ ట్రైనింగ్ లో 5వేలకు పైగా మందికి శిక్షణ ఇవ్వడానికి ఏర్పాట్లు చేసినట్లు తెలిపారు. ట్రైనింగ్​ తీసుకునే వారు ముందుగా 8179713704,  9063182058,  9247378469 నెంబర్లకు ఫోన్​ చేసి, తమ పేర్లను నమోదు చేసుకోవాలని కోరారు.   సమావేశంలో గాంధీ మెడికల్​ కాలేజీ అలుమ్ని అసోసియేషన్​ ప్రెసిడెంట్​ డా.జీఆర్​ లింగమూర్తి, గ్లోబల్​ అలుమ్ని ట్రస్టీ డా.రవీందర్​ సురకంటి, సెక్రటరీ కొలిపాక డా.రాజశేఖర్​, ఇంటర్నేషనల్​ ట్రైనింగ్​ సెంటర్​ కో ఆర్డినేటర్​ డా.మహేశ్వర్​ రెడ్డి, అమెరికా హార్ట్​ అసోసియేషన్​ ఇంచార్జీ డా.డెనిస్​ మెకాలే(చికాగో) జనహిత సేవాట్రస్ట్ నిర్వహకులు నరసింహామూర్తి పాల్గొన్నారు.