భీమదేవరపల్లి నవంబర్ 04 (ప్రజామంటలు) :
హనుమకొండలోని జవహర్లాల్ నెహ్రూ స్టేడియంలో జరుగుతున్న జిల్లా స్థాయి అండర్ - 17 లో ఏకెవిఆర్ కళాశాల విద్యార్థి ప్రతిభ కనబరిచి రాష్ట్రస్థాయి అథ్లెటిక్స్ పోటీలకు ఎంపిక అయ్యాడు. ముల్కనూర్ గ్రామానికి చెందిన మాడుగుల ఆదిత్య ఏకెవిఆర్ కళాశాలలో ఎంపీసీ ప్రథమ సంవత్సరం చదువుతున్నాడు. 200 మీటర్ల పరుగు పందెం అథ్లెటిక్స్ విభాగంలో రాష్ట్రస్థాయికి ఎంపికయ్యాడు. ఈ సందర్భంగా కళాశాల ప్రిన్సిపల్ భూపతి శ్రీకాంత్ మాట్లాడుతూ, గ్రామీణ స్థాయి నుండి రాష్ట్రస్థాయి పోటీలలో తమ కళాశాల విద్యార్థి కావడం పట్ల వర్షం వ్యక్తం చేశారు. విద్యార్థులు చదువుతోపాటు, క్రీడలకు కూడా ప్రాధాన్యత ఇవ్వాలని, అందుకు ఆ దిశగా తమ కళాశాల యజమాన్యం తోడ్పాటును అందిస్తుందని అన్నారు. ఈ సందర్భంగా మాడుగుల ఆదిత్యను కళాశాల యాజమాన్యంతో పాటు అధ్యాపక బృందం అభినందించారు.
