పూటకో మాట - రోజుకో విధానం అన్నట్టుగా డా.సంజయ్ కుమార్ వైఖరి ఉండడం - జిల్లా పరిషత్ తొలి చైర్ పర్సన్ దావ వసంతసురేష్.

(సిరిసిల్ల. రాజా విక్రాంత్ శర్మ - 9963349493/9348422113). 

జగిత్యాల అక్టోబర్ 25 (ప్రజా మంటలు) : 

కాంగ్రెస్ కండువా కప్పుకొని కూడా తాను ఇంకా బిఆర్ఎస్ పార్టీలోనే ఉన్నానని జగిత్యాల ఎమ్మెల్యే డాక్టర్ సంజయ్ కుమార్ మాట్లాడ్డం విడ్డూరంగా ఉందని జిల్లా పరిషత్ తొలి చైర్ పర్సన్ దావ వసంతసురేష్ అన్నారు.

జిల్లా బిఆర్ఎస్ పార్టీ కార్యాలయంలో కోరుట్ల ఎమ్మెల్యే డాక్టర్ సంజయ్ కల్వకుంట్ల ఆధ్వర్యంలో శుక్రవారం విలేఖరుల సమావేశం నిర్వహించారు.

కోరుట్ల ఎమ్మెల్యే డా.సంజయ్ కల్వకుంట్ల మాట్లాడుతూ.... 

జగిత్యాలలో రాజకీయ హత్యలు, రాజకీయ వ్యభిచారంకు ఇక్కడి నాయకులు అర్థం చెపుతున్నారని మండిపడ్డారు.

కాంగ్రెస్లో చెరలేదు... భారాసకు రాజీనామా చేయలేదని జగిత్యాల ఎమ్మెల్యే డాక్టర్‌ సంజయ్‌కుమార్‌ అనడం చూస్తే..తాళీ కట్టలే సంసారం చేస్తున్నా అన్నట్ల ఉందని మండిపడ్డారు.. 

సీనియర్‌ నాయకుడు జీవన్ రెడ్డి కి రైతు నాయకుడిగా మంచి పేరుందని కానీ ఆయన ఇపుడు రాజకీయ హత్యల గురించి మాట్లాడుతున్నాడని విమర్శించారు.

ఈ సందర్బంగా దావ వసంతసురేష్ మాట్లాడుతూ....

పూటకో మాట - రోజుకో విధానం అన్నట్టుగా డా.సంజయ్ కుమార్ వైఖరి ఉండడంతోనే ఇవ్వాళా ప్రెస్ మీట్ ఏర్పాటు చేసి మాట్లాడ్డం జరిగిందన్నారు. 

బిఆర్ఎస్ టికెట్ పై గెలిచి,రాత్రికి రాత్రి పార్టీ మారెందుకు సీఎం రేవంత్ రెడ్డితో కండువా కప్పుకున్నారని,అభివృద్ధి కొరకే కాంగ్రెస్ లోకి వెళ్లినట్టు మాట్లాడిన డా. సంజయ్ కుమార్ తాజాగా బిఆర్ఎస్ లోనే ఉన్నాను అని,కాంగ్రెస్ సభ్యత్వం తీసుకోలేదని మాట్లాడ్డం విడ్డురంగా ఉందన్నారు. 

కేసీఆర్ ఇక సిఎం కాలేరు అని విమర్శిస్తున్న ఎమ్మెల్యే డా.సంజయ్ కుమార్ కి మా సూటి ప్రశ్న బిఆర్ఎస్ బి ఫామ్ మీద గెలిచి పార్టీ మారిన డా.సంజయ్ కుమార్ కి కేసీఆర్ ని విమర్శించే నైతిక హక్కు లేదు.

రేవంత్ రెడ్డి రైతు పక్షపాతి అని అందుకే పార్టీలో చేరానని మాట్లాడిన ఎమ్మెల్యే , రాష్ట్రంలో రైతుల పరిస్థితి ఏంటని ప్రశ్నించారు. 

రైతు రుణమాఫీ పూర్తి స్థాయిలో పూర్తి కాలేదని,రైతు భరోసా లేకుండా పోయిందని ఇదేనా రైతు పక్షపాతి పనితీరు అని ప్రశ్నించారు. 

4వేల డబుల్ బెడ్ రూమ్ ఇళ్ల నిర్మాణం కు కేసీఆర్ నాయకత్వంలో కవితక్క ,కేటీఆర్ భూమిపూజా చేసి పనులు ప్రారంభిస్తే,వాటికి రోడ్లు,డ్రైనేజిల నిర్మాణం నిమిత్తం సంజయ్ కుమార్ పార్టీ మారానని చెప్పడం బర్రెను కోని,తనుగుకు భయానా పెట్టినట్టు ఉందని ఏద్దేవా చేశారు. 

రాష్ట్రంలో 11 నెలల కాంగ్రెస్ ప్రభుత్వం పాలన,సీఎం రేవంత్ రెడ్డి వైఖరి చూసి కేసీఆర్ పాలనే ఈ రాష్ట్రానికి శ్రీరామ రక్షగా భావిస్తున్నారన్నారు. 

అధికారం ఎక్కడ ఉంటే అక్కడ వాలడం సంజయ్ కుమార్ నేర్చుకున్నారని, అధికార దాహంతోనే పార్టీ మారారని విమర్శించారు. 

ప్రస్తుతం రాజకీయ పరిస్థితుల నేపథ్యంలో సంజయ్ కుమార్ గారి మానసిక పరిస్థితి బాలేకుండా ఉన్నట్లు అనిపిస్తుందని అందుకే పూటకో మాట, రోజుకో విధానం అన్నట్టుగా ప్రవర్తిస్తు మాట్లాడుతున్నారన్నారు. 

మాట్లాడే ముందు ఆత్మ విమర్శ చేసుకొని తాను ప్రస్తుతం ఏ పార్టీలో ఉన్న అనేది ప్రజలకు సమాధానం చెప్పాలని డిమాండ్ చేశారు.

ఈ కార్యక్రమంలో రాష్ట్ర మార్క్ ఫెడ్ మాజీ చైర్మన్ లోక బాపు రెడ్డి ,మాజీ జెడ్పీ వైస్ చైర్మన్ హరిచరణ్ రావు, ఏ ఎం సి మాజీ చైర్మన్లు శీలం ప్రియాంకప్రవీణ్,నాగేశ్వర్ రావు,పట్టణ అధ్యక్షుడు గట్టు సతీష్,కౌన్సిలర్ అవారి శివకేసరి బాబు, మాజీ ఎంపీపీ సాయి రెడ్డి,నాయకులు రిజ్వాన్,గంగాధర్ మరియు బిఆర్ఎస్ నాయకులు పాల్గొన్నారు..