గంజాయి అమ్ముతూ పట్టుబడిన యువకుడి అరెస్ట్,  

మెట్టుపల్లి మార్చ్ 22( ప్రజా మంటలు దగ్గుల అశోక్).:

ఇబ్రహింపట్నం మండలం  మేడిపల్లి గ్రామా శివారులోని శ్రీ వెంకటేశ్వర స్వామి గుడి వద్ద ఉదయం 10:15 గంటలకు జాతీయ రహదారి (63) పై ఇబ్రహింపట్నం ఎస్సై. ఏ. అనిల్ తన సిబ్బంది తో కలిసి వాహన తనిఖీలు నిర్వహిస్తుండగా,  నిజామబాద్ వైపు నుండి మెట్టుపల్లి వైపు ఒక మోటార్ సైకిల్ పై వస్తు, పోలీసులను చూసి పారిపోయే ప్రయత్నం చేశారని, వెంటనే పోలీసులు వెంబడించి, ఒకరిని పట్టుకొని విచారించగా  ఆ యువకుడు గంజాయి అమ్ముతున్నట్లు తేలిందని పోలీసులు తెలిపారు.

కోరుట్ల పట్టణంలో వినాయక విగ్రహాలు తయారు చేసే షాపులో కూలీగా పనిచేస్తున్నపోగుల అజయ్ (23) గా గుర్తించారు.

అతని వద్ద నుండి 300 గ్రాముల గంజాయి, ఒక హీరో HF-Delux బైక్ (TS02ED0209), ఒక ఐఫోన్ SE మొబైల్ ఫోన్ (6304763800) లను పోలీసులు స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ. 15,000/- గా పోలీసులు తెలిపారు.    అజయ్ మహారాష్ట్రలోని నాందేడ్ కు చెందిన మొహమ్మద్ అజార్ అనే వ్యక్తి వద్ద గంజాయి కొనుగోలుచేసి వాటిని చిన్న చిన్న ప్యాకెట్లుగా చేసి కోరుట్ల, మెట్టుపల్లి మరియు చుట్టుపక్కల గ్రామాలలో అధిక ధరకు అమ్ముతున్నట్లు నిందితుడు తెలిపాడు.

గతంలో కూడా కోరుట్ల పోలీస్ స్టేషన్ లో నమోదు అయిన ఒక గంజాయి కేసు మరియు ఇతర రెండు కేసులలో లో జైలుకు వెళ్ళినట్లు అతను ఒప్పుకున్నాడు.నిందితుడిపై ఇబ్రహింపట్నం పోలీస్ స్టేషన్ లో కేసు నమోదు చేసి రిమాండ్ కు తరలించినట్టు మరియు ఈ కేసులో పరారిలో ఉన్న మరొక నిందితున్ని త్వరలోనే పట్టుకొని కోర్టులో హాజరు పరుస్తాము అని సి.ఐ. ఏ. నిరంజన్ రెడ్డి తెలిపారు.