మురుగు నీటిలో కూర్చుండి కాంగ్రెస్​ నేత నిరసన

మురుగు నీటిలో కూర్చుండి కాంగ్రెస్​ నేత నిరసన

సికింద్రాబాద్​, జనవరి 24 ( ప్రజామంటలు) :

బన్సీలాల్​ పేట డివిజన్​ మేకలమండి లో డ్రైనేజీ పనుల కోసం నిధులు మంజూరీ అయి, పనులు చేయడానికి కాంట్రాక్టర్​ సిద్దంగా ఉన్నప్పటికీ అధికారులు పనులు ప్రారంభించడానికి  జాప్యం చేయడంపై కాంగ్రెస్​ నేతలు ఆగ్రహం వ్యక్తం చేశారు. శుక్రవారం డివిజన్​ కాంగ్రెస్​ ప్రెసిడెంట్ ఐత చిరంజీవి మేకలమండి గాంధీనగర్​ రహదారిలోని రోడ్డుపై పొంగి పారుతున్న డ్రైనేజీ మురుగునీటిలో కూర్చుండి నిరసన వ్యక్తం చేశారు. స్థానిక బీఆర్​ఎస్​ ఎమ్మెల్యే తలసాని శ్రీనివాస్​ యాదవ్ వచ్చే మంగళవారం కొబ్బరికాయ కొట్టి పనులు ప్రారంభిస్తారని బల్దియా అధికారులు చెప్పడం ఏమిటని ఆయన ప్రశ్నించారు. అప్పటివరకు స్థానికులు మురుగునీరు, దుర్వాసన, దోమల మద్య ఉండాలా...అని అడిగారు. పనుల నిర్వహణకు  రూ 19.5 లక్షలు మంజూరు అయ్యాయన్నారు. వెంటనే జీహెచ్​ఎమ్​సీ కమిషనర్​ స్పందించి, పనులు ప్రారంభించి, స్థానిక ప్రజల ఆరోగ్యాన్ని కాపాడాలని చిరంజీవి కోరారు. రాష్ర్టంలో ఇంకా బీఆర్ఎస్​ ప్రభుత్వం ఉందన్న భ్రమలో ఉన్న అధికారులు ఇప్పటికైన  తమ వైఖరిని మార్చుకోవాలన్నారు. కార్యక్రమంలో డివిజన్​ కాంగ్రెస్​ నాయకులు సాయి సందీప్​, కే.రాజశేఖర్​,సందీప్​, మదురవీరన్​,మునీర్​,హరి,ఆశీష్​,సుధాకర్​ పాల్గొన్నారు.