పేషంట్ల రద్దీతో కిటకిటలాడిన గాంధీ ఆసుపత్రి ఓపీ వార్డు 

పేషంట్ల రద్దీతో కిటకిటలాడిన గాంధీ ఆసుపత్రి ఓపీ వార్డు 

  * ఒక్కరోజే 2232 మంది ఔట్​ పేషంట్లు- 192 మంది అడ్మిట్​

సికింద్రాబాద్​ నవంబర్​ 04 (ప్రజామంటలు) :

గాంధీ ఆసుపత్రి ఔట్​ పేషంట్ల వార్డు సోమవారం పేషంట్ల రద్దీతో కిటకిటలాడింది. పండుగల వరస సెలవుల అనంతరం సోమవారం గాంధీ ఓపీ వార్డుకు మొత్తం 2232 మంది వివిద అనారోగ్య కారణాలతో రాగా, వీరిని పరీక్షించిన వైద్యులు ఇందులో 192 మందిని  ఆసుపత్రిలో అడ్మిట్​ చేసి, వైద్యం అందిస్తున్నట్లు   డిప్యూటీ సూపరింటెండెంట్​ డా.జీకే.సునీల్​ తెలిపారు. ఓపీ పేషంట్ల రద్దీ పెరిగినప్పటికీ వారికి ఎలాంటి అసౌకర్యాలు కలగకుండా చర్యలు చేపట్టినట్లు ఆయన తెలిపారు. సాయంత్రం ఓపీ కూడ ఉన్నందున ప్రజలు సాయంత్రం 4 నుంచి 6 వరకు నడిచే  ఈవినింగ్​ ఓపీ సేవలను కూడ వినియోగించుకోవచ్చు.సిటీ నుంచే కాకుండా ఓపీ వైద్య సేవలకై రాష్ర్టంలోని వివిద జిల్లాల నుంచి కూడ వేలాది మంది పేషంట్లు గాంధీకి వస్తుంటారు. తీవ్ర అనారోగ్యానికి గురయిన వారికి, దివ్యాంగుల కోసం ఓపీ వార్డు  వద్ద మరిన్ని వీల్​ చైర్లు అందుబాటులో ఉంచాలని  ప్రజలు కోరుతున్నారు. 
–––––––––––––––––