ఈజీ మనీ కోసం షట్టర్లు ఎత్తి, దుకాణాల్లో చోరీలు

ఈజీ మనీ కోసం షట్టర్లు ఎత్తి, దుకాణాల్లో చోరీలు
 * ముగ్గురు నిందితుల అరెస్ట్​
 * రూ.28లక్షల62వేలు స్వాధీనం

సికింద్రాబాద్​ ఫిబ్రవరి 03 (ప్రజామంటలు) :

మహాంకాళి పోలీస్​ స్టేషన్​ పరిధిలో దుకాణాల షట్టర్లు ఎత్తి దొంగతనాలకు పాల్పడుతున్న ముగ్గురు సభ్యులు గల ముఠాను పోలీసులు చాకచక్యంగా పట్టుకొని, అరెస్ట్ చేశారు. సోమవారం మహాంకాళి ఏసీపీ సర్ధార్​ సింగ్​ తన కార్యాలయంలో ఏర్పాటు చేసిన మీడియా సమావేశంలో  కేసుకు సంబందించిన వివరాలు వెల్లడించారు. జనవరి 31న అర్ధరాత్రి మహాంకాళి పోలీస్​ స్టేషన్​ పరిధిలోని ఓల్డ్​బోయిగూడ లోని దీపక్​ ఇంజనీరింగ్​ కంపెనీ లో షట్టర్​ ను బలవంతంగా ఓపెన్​ చేసి, దుకాణం లాకర్​ లోని రూ30లక్షల20వేలను దొంగలించారు.

ఈ కేసును ఛాలెంజ్​ గా తీసుకున్న మహాంకాళి పోలీసులు మార్కెట్​, రాంగోపాల్​ పేట పోలీస్​ సిబ్బందితో కలిసి సీసీ టీవీఫుటేజీ, మొబైల్​ నెట్​ వర్క్​ సిగ్నల్స్​ తో చోరికి పాల్పడ్డ వారి కదలికలను గుర్తించారు. సికింద్రాబాద్​ సితార లాడ్జీలో ఓ నిందితుడిని పట్టుకొని, మిగితా మరో ఇద్దరిని మొత్తం ముగ్గురిని అదుపులోకి తీసుకొని వారి వద్ద నుంచి రూ28లక్షల62వేల ను స్వాధీనం చేసుకొని, వారిని అరెస్ట్​ చేశారు. మహారాష్ర్ట లోని భీవండి కి చెందిన మురళీ ధర్​ మోహన్​ లాల్​ శర్మ (39), యూపీ లోని జాన్​ పూర్​ కు చెందిన చంద్రభాన్​ పటేల్​(39), ఉదయ్​ రాజ్​ సింగ్(48) లపై కేసు నమోదు చేశారు. వీరు గతంలో సికింద్రాబాద్​ ఏరియాలో టెక్స్​టైట్​ బిజినెస్​ చేసేవారని, లాక్​ డౌన్​ సమయంలో వీరు నష్టపోయి, దివాళా తీశారని ఏసీపీ తెలిపారు. బిజినెస్​ ఏరియా సికింద్రాబాద్ ప్రాంతంలో భారీ నగదు లావాదేవీలు జరుగుతాయనే విషయం తెలిసిన వీరు ఇక్కడ దోపిడికి ప్లాన్​ వేశారు. చోరి జరిగిన మూడు రోజుల్లోనే ముఠాను పట్టుకున్న మహాంకాళి ఇన్​స్పెక్టర్​ పరశురామ్​,డిటెక్టివ్​ ఇన్​స్పెక్టర్​ ప్రసాద్​,ఎస్​ఐ లు గంగాధర్​, శ్రీవర్దన్​ లతో పాటు మహాంకాళి, మార్కెట్, రాంగోపాల్​ పేట పోలీస్ సిబ్బందిని ఏసీపీ అభినందించారు.