అవినాష్​ కాలేజీ ఎదుట బీఆర్​ఎస్​వీ ఆందోళన

అవినాష్​ కాలేజీ ఎదుట బీఆర్​ఎస్​వీ ఆందోళన
   *  దళిత విద్యార్థికి న్యాయం చేయాలని డిమాండ్

సికింద్రాబాద్​, ఫిబ్రవరి 04 ( ప్రజామంటలు ) :

సికింద్రాబాద్ ఎస్​డీ రోడ్డు లోని అవినాష్​ కాలేజీ ఎదుట మంగళవారం బీఆర్​ఎస్​వీ నాయకులు ఆందోళన నిర్వహించారు.  కాలేజీ గేట్​ వద్ద బైఠాయించి, డిగ్రీ  విద్యార్థి రాహుల్​ కు న్యాయం చేయాలని డిమాండ్ చేశారు. కాలేజీ కి వ్యతిరేకంగా నినాదాలు చేశారు. ఇద్దరు విద్యార్థుల మద్య జరిగిన గొడవలో దళిన డిగ్రీ సెకండ్ ఇయర్​ విద్యార్థి రాహుల్ ఒక్కడినే టార్గెట్ చేసి సస్పెండ్ చేసి, పోలీస్​ స్టేషన్​ లో కేసు పెట్టడం అన్యాయమన్నారు. దాడి చేసిన వారిపై చర్యలు తీసుకోకుండా బాధితుడిపై చర్యలు తీసుకోవడం ఏమిటని ప్రశ్నించారు.  పేదల వద్ద అధికంగా డబ్బులు వసూలు చేస్తూ, స్టూడెంట్స్​ ను ఇబ్బందుల పాలు చేస్తున్న కాలేజీ అనుమతులను రద్దు చేయాలని కోరారు. దళిత విద్యార్థిని చీకటి గదిలో వేసి కొట్టిన అవినాష్​ కాలేజీ నిర్వాహకుల పై చర్యలు తీసుకోవాలని డిమాండ్ చేశారు. బౌన్సర్లతో కాలేజీని నడపడం ఏమిటని వారు ప్రశ్నించారు. కార్యక్రమంలో బీఆర్ఎస్​వీ రాష్ర్ట ప్రధాన కార్యదర్శి  దశరథ్​, నాయకులు జంగయ్య, చంద్రకాంత్,నాగేందర్​, అద్విత్​ రెడ్డి,రాకేశ్​,సాయి, సంజు పాల్గొన్నారు. 
పోలీసుల బందోబస్తు:
ఎలాంటి అవాంచానీయ సంఘటనలు జరగకుండా గోపాలపురం ఇన్​స్పెక్టర్​ నరేశ్​ అధ్వర్యంలో పోలీసులు బందోబస్తు నిర్వహించారు.తాము స్టూడెంట్స్ ను ​ అంతా సమానంగా  చూస్తామని, ఎవరిపైన తమకు విద్వేషాలు లేవని కాలేజీ నిర్వాహకులు సృష్టం చేశారు. ఇద్దరు స్టూడెంట్స్​ ను సస్పెండ్​ చేశామే తప్ప ఎవరికి టీసీ ఇవ్వలేదన్నారు. సస్పెండ్ అయిన స్టూడెంట్స్​ ఎగ్జామ్స్​ రాసుకోవచ్చన్నారు. ఎలాంటి ఇబ్బందులు తలెత్తవద్దనే తాము పోలీసుల రక్షణ కోరామన్నారు.