సరస్వతి పుత్రునికి అభినందనల వెల్లువ.

ఏకంగా 6 ఉద్యోగాలకు ఎంపికైన సంజయ్.

By ch v prabhakar rao

On 29 Apr 2024 22:43:20

(సిరిసిల్ల. రాజా విక్రాంత్ శర్మ - 9963349493/9348422113).

జగిత్యాల ఏప్రిల్ 28 ( ప్రజా మంటలు)

జగిత్యాల జిల్లాకు చెందిన సరస్వతి పుత్రుడు 6 ఉద్యోగాలకు ఎంపికయ్యారు.

జగిత్యాల జిల్లా బిరుపూర్ మండలం తుంగూర్ కు చెందిన బెత్తెపు సంజయ్ చిన్నప్పటినుండి విద్యపై మక్కువ పెంచుకుని ఉన్నత చదువులపై దృష్టి పెడుతూనే అందివచ్చిన అవకాశాలను వధులుకోకుండా రాత్రి0భవళ్ళు చదివాడు.

పేద కుటంబంలో లక్ష్మీ, మల్లయ్య పుత్రునిగా సంజయ్ జన్మించి ఇటీవల కష్టపడి చదివి 6 ప్రభుత్వ ఉద్యోగాలకు ఎంపికయ్యాడు.

రైల్వే, ఆబ్కారీ శాఖ, టి ఎస్ పి ఎస్ సి, టౌన్ ప్లానింగ్, అసిస్టెంట్ ఇంజనీర్, అసిస్టెంట్ ఎక్జిక్యూటివ్ ఇంజనీర్ తదితర ప్రభుత్వ శాఖల్లో ఉద్యోగాలు సాధించి అందరి ప్రశంసలు అందుకున్నారు.

సంజయ్ ను ప్రజాప్రతినిధులు, ప్రజా సంఘాల నాయకులు, జగిత్యాల సర్పంచుల సంఘం మాజీ జిల్లా అధ్యక్షులు ఏన్నం కిషన్ రెడ్డి,నాయి బ్రాహ్మణ సేవా సంఘం జిల్లా అధ్యక్షులు పెండెం మహేందర్, పొన్నం లావణ్య, తదితరులు అభినందించారు.